ავსტრალიის ქალაქ მელბურნში კორონავირუსის გამო დაწესებული შეზღუდვების გასაპროტესტებლად ქუჩაში ათასობით ადამიანი გამოვიდა. ისინი ავსტრალიის ხელისუფლებისგან რეგულაციების მოხსნას დაუყოვნებლივ მოითხოვდნენ. პოლიციამ მათ სოციალური დისტანციის დაცვა რამდენჯერმე სთხოვა, რაც აქტივისტებმა არ გაითვალისწინეს. ამის შემდეგ სამართალდამცავებმა დემონსტრანტების დაკავება დაიწყეს. პოლიციამ სულ 15 აქტივისტი დააკავა, 150-ზე მეტი კი დააჯარიმა.

ბოლო 24 საათის განმავლობაში ავსტრალიაში კორონავირუსის 76 შემთხვევა დაფიქსირდა, 11 ადამიანი კი გარდაიცვალა.