იაპონიის სამხრეთ სანაპიროს ტაიფუნი „ჰაიშენი“ უახლოვდება. ხელისუფლებამ მოსახლეობას ევაკუაციისკენ მოუწოდა. მეტეოროლოგები მოსალოდნელი რეკორდული ოდენობის ატმოსფერული ნალექის, ძლიერი ქარისა და ტალღების შესახებ იუწყებიან.

მანამდე ხელისუფლებამ 100 000-ზე მეტ მოსახლეს მოუწოდა ევაკუაციისკენ. შტორმი ოკინავას, კაგოსიმას, კუმამოტოსა და ნაგასაკის პროვინციებს ემუქრება. მოსალოდნელია, რომ ქარის სიჩქარე 252 კილომეტრ საათს მიაღწევს.