დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, აჭარაში კორონავირუსის შემთხვევების მატება მოსალოდნელი იყო.
მისი თქმით, აღნიშნული გამოწვეულია რეგიონში მობილობის გაზრდით.
„აჭარაშიც და ქვეყანაშიც ინფექცია ცირკულირებს. როდესაც ჩვენ პირველად წყაროზე ვერ გავდივართ და ეს შემთხვევები იზრდება, ეს არის პირდაპირი ნიშანი იმისა, რომ ინფექციის ცირკულირება ინტენსიურია. ეს გახლდათ პროგნოზირებადი იმიტომ, რომ აგვისტოში ქვეყანაში მობილობის სერიოზული მატება გვქონდა, განსაკუთრებით აჭარაში. ნახევარი საქართველო ისვენებდა აჭარაში და მოსალოდნელი იყო, რომ აჭარაში იქნებოდა მიკრო ეპიდაფეთქება. რეგიონისთვის ეს მაღალი მაჩვენებელია, მაგრამ ამ თვალსაზრისით, ბევრად მაღალი მაჩვენებელი გვაქვს აფხაზეთში“, - განაცხადა ამირან გამყრელიძემ.