ბელარუსში ბოლო საპროტესტო აქციების დროს 91 ადამიანი დააკავეს

ბელარუსში, შაბათს, 5 სექტემბერს გამართული არასანქცირებული საპროტესტო აქციების დროს ათობით ადამიანი დააკავეს. როგორც დღეს ქვეყნის შინაგან საქმეთა სამინისტროში განაცხადეს, 5 სექტემბერს „მასობრივი ღონისძიებების შესახებ კანონის“ დარღვევის გამო სულ 91 ადამიანი დააპატიმრეს. მათგან 34 ადამიანი სასამართლოში საქმის განხილვამდე დროებითი დაკავების იზოლატორში მოათავსეს.

შსს-ს ინფორმაციით, საპროტესტო აქციები 18 დასახლებულ პუნქტში გაიმართა და დემონსტრანტების საერთო რიცხვმა დაახლოებით 4 000 შეადგინა. მინსკში არასანაქცირებული ღონისძიება 8 სხვადასხვა ადგილას ჩატარდა.

სამინისტროს პრესსამსახურში ასევე იტყობინებიან, რომ კვირას, დღის განმავლობაში მინსკში რამდენიმე გამზირი გადაიკეტა, რამდენადაც ბელარუსის დედაქალაქში მორიგი არასანქცირებული საპროტესტო აქციების გამართვაა მოსალოდნელი.

შეგახსენებთ, ბელარუსში, 9 აგვისტოს საპრეზიდენტო არჩევნების შემდეგ საპროტესტო აქციები არ წყდება. მომიტინგეები არჩევნების ოფიციალურ შედეგებს არ აღიარებენ, რომლის თანახმადაც ალექსანდრე ლუკაშენკომ ხმების 80.1 % მიიღო. ისინი ლუკაშენკოს გადადგომას და ხელახალი არჩევნების ჩატარებას მოითხოვენ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა