ჰონგ-კონგში აქცია გაიმართა, სადაც მოქალაქეებმა 6 სექტემბერს დაგეგმილი საკანონმდებლო საბჭოს არჩევნების გადადება და ჩინეთის ხელისუფლების მიერ მიღებული უსაფრთხოების ახალი კანონი გააპროტესტეს.
პოლიციის ინფორმაციით, აქციაზე სამართალდამცველებმა 90-მდე ადამიანი დააკავეს. აქციაზე დემონსტრანტების წინააღმდეგ ცრემლსადენი გაზიც გამოიყენეს. პოლიცია დაკავებების მოტივად უკანონო შეკრებას ასახელებს.
ჰონგ-კონგის საკანონმდებლო საბჭოს არჩევნები კორონავირუსის პანდემიის მიზეზით ადგილობრივმა ხელისუფლებამ მომავალი წლის ივლისამდე გადადო. ამ ნაბიჯმა ოპოზიციის უკმაყოფილება გამოიწვია, რადგან საბჭოში უმრავლესობის მოპოვებას იმედოვნებდა.