„საქართველოს რკინიგზა“ განცხადებას ავრცელებს

„საქართველოს რკინიგზა“ ერთ-ერთი მედიასაშუალების ეთერში გასულ ინფორმაციასთან დაკავშირებით განცხადებას ავრცელებს.

როგორც საქართველოს „საქართველოს რკინიგზის“ მიერ გავრცელებულ ინფორმაციაში მათ მიერ განხორციელებულ პროექტებზეა საუბარი.

განცხადებას უცვლელად გთავაზობთ.

„5 სექტემბერს, ტელეკომპანია „მთავარი“ გადაცემაში „მთავარი შაბათს“ გასული სიუჟეტით, კიდევ ერთხელ შეეცადა დამახინჯებულად, ყალბად და რეალობასთან შეუსაბამოდ წარმოეჩინა საქართველოს რკინიგზის მიერ განხორციელებული მორიგი წარმატებული პროექტი და საზოგადოება შეეყვანა შეცდომაში, რომ თითქოს ათწლეულების განმავლობაში დაგროვილი გამოუსადეგარი აქტივი მენეჯმენტის მიერ „ახლად აყრილი“ ლიანდაგებია.

მოგახსენებთ, რომ რეალურად, 2020 წლის თებერვალში სს "საქართველოს რკინიგზამ" 4 რეგიონში (თბილისი, რუსთავი, კახეთი, გარდაბანი) დაიწყო კუთვნილი ამორტიზირებული აქტივის ინვენტარიზაცია შემდგომი რეალიზაციის მიზნით. რკინიგზის აქტივები, მათ შორის რელსები, ტექნიკური მაჩვენებლების მიხედვით ექსპლუატაციის ვადებისა და პირობების გათვალისწინებით, დროთა განმავლობაში ხდება გამოუსადეგარი. აღნიშნული აქტივი, რომელიც აღარ გამოიყენება რკინიგზის საოპერაციო საქმიანობისთვის, ათწლეულების განმავლობაში მიმოფანტული იყო სხვადასხვა ობიექტზე. ბუღალტრული მონაცემებით, არსებული ნაშთები რეალურად შეგროვდა, დახარისხდა, აიწონა და დასაწყობდა რუსთავის ბაზაში.

გამოუსადეგარი აქტივის საბალანსო ნარჩენი ღირებულება ტონაზე დაახლოებით შეადგენს 2 ლარს, მისი რეალიზაციის შემთხვევაში დამოუკიდებელი აუდიტის მიერ განსაზღვრულმა ფასმა შეადგინა დაახლოებით 420 ლარი, ხოლო საბოლოოდ, ღია საჯარო ელექტრონულ აუქციონზე (სადაც 2 პრეტენდენტი იბრძოდა) აღნიშნული უსარგებლო აქტივის რეალიზაცია მოხდა ტონა 755 ლარად, ჯამში 7.55 მილიონ ლარად.

აღსანიშნავია, რომ ეს არის ინვენტარიზაციის და სრული რეალიზაციის პირველი პრეცედენტი, როდესაც საქართველოს რკინიგზამ უსარგებლო აქტივი გაასხვისა და კომპანიას მოუტანა დამატებითი შემოსავალი, რომელიც არ იყო გათვალისწინებული წლიურ შემოსავალში.

მოვუწოდებთ ტელეკომპანიას, მომავალში თვითინფორმირებულობის მიზნით მაინც მოგვმართოს კითხვით, რათა თავიდან აირიდოს არაკომპეტენტური, ცრუ და ყალბი ინფორმაციის გავრცელებით გამოწვეული უხერხულობა." - ნათქვამია ინფორმაციაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო