საქართველოს გაზის ტრანსპორტირების კომპანია, მთავრობის განკარგულების საფუძველზე ანანურის ადმინისტრაციულ ერთეულში სოფელ ცივწყაროს გაზიფიცირებისთვის საჭირო სამუშაოებს ახორციელებს, - ამის შესახებ „ინტერპრესნიუსს " დუშეთის მუნიციპალიტეტიდან აცნობეს.
მათივე ცნობით, პროექტის ფარგლებში, სამუშაოები ასევე მიმდინარეობს ჟინვალის ადმინისტრაციული ერთეულის სოფლებში არანისსა და ჩინთში, ბაზალეთის ადმინისტრაციული ერთეულის სოფელ ჩირდილელიანთკარსა და ქვეშეთის ადმინისტრაციული ერთეულის სოფლებში: ხარხეთი, სალაჯური, მანასეური და გოგნაური.
„გაზიფიცირების პროცესი უახლოეს მომავალში დაიწყება სოფელ პავლეურის, დოლასქედის და ვაშლობის მიმართულებით, ხოლო რაც შეეხება სოფელ საკრამულს და მლაშეს, აქ საქართველოს გაზის ტრანსპორტირების კომპანიამ 2020 წელს დაგეგმილი სამუშაოები წარმატებით დაასრულა და მოსახლეობა ბუნებრივი აირის სიკეთეებით შეუფერხებლად ისარგებლებს ",- აღნიშნულია გავრცელებულ ინფორმაციაში.