აშშ-ში, ბოლო 24 საათში, კორონავირუსის 31 395 ახალი შემთხვევა დადასტურდა და ინფიცირებულთა რაოდენობა, საერთო ჯამში, 6 276 365-მდე გაიზარდა, - აღნიშნულ მონაცემებს ჯონს ჰოპკინსის უნივერსიტეტი ავრცელებს.
ამავე მონაცემების თანახმად, ქვეყანაში „კოვიდ 19“-ს კიდევ 403 ადამიანის სიცოცხლე ემსხვერპლა და დაღუპულთა რიცხვმა 188 941-ს მიაღწია.
სააგენტო Reuters-ი საკუთარ ანალიზზე დაყრდნობით წერს, რომ ბოლო პერიოდში კორონავირუსის შემთხვევები აშშ-ის 50 შტატიდან 22-ში მატულობს. ეს შტატები ქვეყნის ცენტრალულ დასავლეთსა და სამხრეთით მდებარეობენ და შედარებით ნაკლებად დასახლებულები არიან.