გიგა ბოკერია - დაუსჯელი არავინ უნდა დარჩეს, თუმცა ის, რაც საქართველოში ხდება, კანონის უზენაესობა არ არის - ვისაც ძალაუფლება აქვს, სჯის მას, ვინც ოპონენტია

არავინ უნდა იყოს პოლიტიკურად დევნილი, მაგრამ მთავარი ის არის, რომ „ქართულ ოცნებას“ უნდა დღევანდელი ვითარების შენარჩუნება, „ნაციონალურ მოძრაობას“ უნდა 2012 წლამდე ვითარებაში დაბრუნება, ეს უნდა დავასრულოთ, - ასე შეაფასა „ევროპული საქართველოს“ ერთ-ერთმა ლიდერმა, ფოთის, ხობისა და სენაკის ოლქებში მაჟორიტარობის კანდიდატმა გიგა ბოკერიამ მიხეილ სააკაშვილის საქართველოში დაბრუნების გეგმა.

როგორც ბოკერიამ ტელეკომპანია "პალიტრანიუსის" გადაცემა "ნიუსრუმში" აღნიშნა, დაუსჯელი არავინ უნდა დარჩეს, თუმცა „ის, რაც საქართველოში მთელი ამ წლების განმავლობაში ხდება, არის ის, რომ ვისაც ძალაუფლება აქვს, ის სჯის იმას, ვინც მისი ოპონენტია“.

„ამოცანა მდგომარეობს იმაში, რომ დავასრულოთ ეს ამბავი, როდესაც ივანიშვილი და მისი გუნდის წევრები მოცულები არიან იმით, რომ შეინარჩუნონ დღევანდელი ვითარება და არაფერი შეცვალონ. არის მეორე პოლიტიკური გუნდი, „ნაციონალური მოძრაობა“, რომლის დიდი ნაწილი წარსულის მოლოდინით არის და კონტექსტი არის როდის დაბრუნდება, დაბრუნდება თუ არა. სააკაშვილი თავისი დაბრუნების გეგმებზე ლაპარაკობს, როდესაც უნდა ლაპარაკობდეს ქვეყნის ცვლილებების გეგმებზე ქვეყანაში, რაზეც ვსაუბრობთ ჩვენ, „ევროპული საქართველო“. ეს უნდა დავასრულოთ და რა თქმა უნდა, არავინ უნდა იყოს პოლიტიკურად დევნილი, მაგრამ მთავარი ის არის, რომ ერთს უნდა დღევანდელი ვითარების შენარჩუნება, მეორეს უნდა 2012 წლამდე ვითარებაში დაბრუნება. დაუსჯელი არავინ უნდა იყოს, მაგრამ აქ საუბარია პოლიტიკური ნიშნით დევნაზე, რაც ყველამ ვიცით, რომ ყველას მიმართ არის. კანონის უზენაესობაზე საუბარი არ არის არა მარტო ამ კონკრეტულ ფიგურასთან მიმართებაში, არამედ საერთოდ ივანიშვილის პირობებში. დაუსჯელობის სინდრომი ძალიან ცუდი რამეა, მაგრამ ის, რაც საქართველოში ხდება მთელი ეს წლებია და რაც ივანიშვილმა კიდევ უფრო ახალ ხარისხში აიყვანა, კანონის უზენაესობა კი არ არის, არის ის, რომ ვისაც ძალაუფლება აქვს, ის სჯის იმას, ვინც მისი ოპონენტია“, - განაცხადა გიგა ბოკერიამ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება