რომან გოცირიძე სააკაშვილის პრემიერობის კანდიდატად დასახელებაზე - „ქართული ოცნებისთვის" ეს იყო სიუპრიზიც და შოკიც - ძალიან ბევრ სიურპრიზს ვიხილავთ სამომავლოდ

ფრაქცია „ნაციონალური მოძრაობის" თავმჯდომარე რომან გოცირიძე აცხადებს, რომ მმართველ გუნდს მიხეილ სააკაშვილის საარჩევნო კამპანიაში ღიად ჩართვასთან დაკავშირებით აგრესიული, ცინიკური, შეშინებული და სასაცილო კომენტარები ჰქონდა, რაც მეტყველებს იმაზე, რომ ეს მათთვის ძალიან მოულოდნელი აღმოჩნდა.

მისივე თქმით, „მომავალში კიდევ ბევრ სიურპრიზს ვიხილავთ“.

მიხეილ სააკაშვილის ღიად ჩართვა საარჩევნო კამპანიაში ნიშნავს კიდევ უფრო მეტი რესურსებისა და ენერგიის მობილიზებას ოპოზიციურ ფლანგზე, სწორედ ამიტომ არიან გაღიზიანებულები „ქართული ოცნების" ხელმძღვანელობა და მათი აგრესიული, ცინიკური, შეშინებული და სასაცილო კომენტარები მეტყველებს იმაზე, რომ ეს მათთვის ძალიან მოულოდნელი იყო.

თავისთავად, „ქართული ოცნებისთვის" ეს იყო სიუპრიზიც და შოკიც, ვინაიდან ისინი ძალიან ბედნიერები იყვნენ, როცა სააკაშვილმა მაღალი პოსტი დაიკავა უკრაინაში და ამ უზარმაზარი სახელმწიფოს განვითარების სათავეში დადგა. მაშინ იფიქრეს, რომ ის უკრაინას უკავშირებდა თავის პოლიტიკურ მომავალს, მაგრამ ეს სიურპრიზი და მოულოდნელი სვლა აღმოჩნდა მათთვის დამაბნეველი და ეს მათი კომენტარებიდანაც ჩანს, რომ ამას არ ელოდნენ. რა თქმა უნდა, მოულოდნელობის ეფექტი არის ამაში და ჩვენ ძალიან ბევრ სიურპრიზს ვიხილავთ სამომავლოდ,"- განაცხადა გოცირიძემ.

ცნობისათვის, „ნაციონალურმა მოძრაობამ" მიხეილ სააკაშვილის პრემიერობის კანდიდატად დაასახელა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს