ჯოზეფ ბორელი - ბელარუსში თვითნებური დაკავებები და პოლიტიკური ნიშნით გატაცებები მიუღებელია

ბელარუსში თვითნებური დაკავებები და პოლიტიკური ნიშნით გატაცებები, მათ შორის დღეს დილით ჩადენილი სასტიკი ქმედებები ანდრეი ეგოროვის, ირინა სუხიისა და მარია კოლესნიკოვას წინააღმდეგ, მიუღებელია, - ამის შესახებ ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჯოზეფ ბორელიმ განაცხადა.

მისივე თქმით, ბელარუსის მთავრობამ მოქალაქეების დაშინება უნდა შეწყვიტოს.

„ბელარუსში თვითნებური დაკავებები და პოლიტიკური ნიშნით გატაცებები, მათ შორის, დღეს დილით სასტიკი ქმედება ანდრეი ეგოროვის, ირინა სუხიისა და მარია კოლესნიკოვას წინააღმდეგ მიუღებელია. მთავრობამ უნდა შეწყვიტოს მოქალაქეების დაშინება, ასევე საკუთარი კანონებისა და საერთაშორისო ვალდებულებების დარღვევა“, – წერს ბორელი სოციალურ ქსელ „ტვიტერში“.

შეგახსენებთ, დღეს ცნობილი გახდა, რომ ბელარუსის ოპოზიციური საკოორდინაციო საბჭოს წევრი და ბელარუსში მიმდინარე საპროტესტო აქციების ერთ-ერთი ლოდერი მარია კოლესნიკოვა მინსკის ცენტრიდან დაუდგენელმა პირებმა გაიტაცეს.

იხილეთ ვიდეო:ჯოზეფ ბორელი - ბელარუსში თვითნებური დაკავებები და პოლიტიკური ნიშნით გატაცებები მიუღებელია

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს