შალვა გოგოლაძე - მთავრობის ინტენსიური მუშაობით, რაგბის ფედერაცია ყველაფერს აკეთებს, რომ მოიპოვოს ისტორიული შანსი და მონაწილეობა მიიღოს „8 ერის" ტურნირში

დღეს, კიდევ ერთხელ, საინტერესო შეხვედრა შედგა პრემიერ-მინისტრთან, სადაც წარმოდგენილი იყო რაგბის კავშირის ყველა წევრი. გიორგი გახარიამ კიდევ ერთხელ აღუთქვა მხარდაჭერა რაგბის ოჯახს, - ამის შესახებ საქართველოს განათლების, მეცნიერების, კულტურისა და სპორტის მინისტრის მოადგილემ შალვა გოგოლაძემ, მთავრობის ადმინისტრაციაში გამართული შეხვედრის შემდეგ განაცხადა.

როგორც მან აღნიშნა, მთავრობის ინტენსიური მუშაობით, რაგბის ფედერაცია ყველაფერს აკეთებს იმისთვის, რომ მოიპოვოს ისტორიული შანსი და მონაწილეობა მიიღოს „8 ერის" ტურნირში.

„ეს მართლაც მნიშვნელოვანი ტურნირია, რომელიც ჩვენს ნაკრებს მისცემს, როგორც გამოცდილებით, ასევე სხვა საფეხურზე გადასვლის შესაძლებლობას სპორტული კუთხით. კოვიდ-19-მა გარკვეული პრობლემები შექმნა მიმდინარე ჩემპიონატის დამთავრებასთან დაკავშირებით. პრემიერ-მინისტრის ჩართულობითა და მთავრობის მხარდაჭერით რაგბის ფედერაციის ფინანსური პრობლემების გადაწყვეტა მოხდა და რაც ყველაზე მნიშვნელოვანია, გუნდები უკვე შესულები არიან საწვრთნელ ბაზაზე და ახლო მომავალში, დაახლოებით 2-3 კვირაში დაიწყება ახალი, საქართველოს რეგულარული ჩემპიონატი, რაც ერთ-ერთი ყველაზე მნიშვნელოვანია ჩვენთვის, იმიტომ, რომ საქართველოს ჩემპიონატი არის ქართული რაგბის ფესვები", - აღნიშნა შალვა გოგოლაძემ.

შალვა გოგოლაძის კომენტარს მთავრობის ადმინისტრაციის პრესსამსახური ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება