ბელარუსმა სამართალდამცავებმა ოპოზიციის საკოორდინაციო საბჭოს წევრის, მარია კოლესნიკოვას ძებნა დაიწყეს, - ამის შესახებ ოპოზიციის ერთ-ერთმა ლიდერმა ვიქტორ ბაბარიკომ Telegram-ზე განაცხადა.
„მარია კოლესნიკოვას ნათესავებმა მისი გაუჩინარების შემდეგ პოლიციაში ძებნასთან დაკავშირებით განაცხადი შეიტანეს. პოლიციამ განაცხადა, რომ მარიას ძებნა მიმდინარეობს,“- აღნიშა ბაბარიკომ.
ცნობისათვის, გუშინ გავრცელდა ინფორმაცია, რომ დაუდგენელმა პირებმა მარია კოლესნიკოვა მინსკის ცენტრიდან გაიტაცეს. ბელარუსის შინაგან საქმეთა სამინისტრო აცხადებს, რომ ისინი არ ფლობენ ინფორმაციას კოლესნიკოვას სახელმწიფო ორგანოების მიერ დაკავების შესახებ.