დავით ჭიჭინაძე - ვუსმინე სააკაშვილს და მისი ცნობილი ცრემლი დამაკლდა, გულაჩუყებული რომ ესაუბრება ხოლმე ხალხს

სააკაშვილი ვერც არჩევნების მერე ჩამოვა საქართველოში. ივანიშვილი კი, კვლავაც, როგორც არაერთხელ, შეეცდება სწორედ სააკაშვილი გამოიყენოს მაშველ რგოლად, რადგან სწორედ ისაა ივანიშვილის საყრდენი, - ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა.

როგორც ჭიჭინაძე აღნიშნავს, „სააკაშვილი, როგორც ყოველთვის, თვალსა და ხელს შუა იტყუება“.

„სააკაშვილს, რომელიც დღეს ბოდიშს იხდის და ავიწყდება, როგორც ჩანს, როგორ ხდებოდა სწორედ მის დროს, იძულებითი საპროცესო გარიგებებით ხალხის გატყავება, ბინების წართმევა, ციხეებში ქონების გადაფორმება. ვალებით გაივსო ქვეყანა მის დროს როგორც საშინაო, ფიზიკური პირების, ისე საგარეო ვალებით. თუ თავს ისევ დავიბრმავებთ და „ნაციონალებზე“ და „ოცნებაზე“ ვისაუბრებთ მხოლოდ, რა თქმა უნდა, ამ ქვეყანას პერსპექტივა მართლა არ ექნება. ვუსმინე სააკაშვილს და მისი ცნობილი ცრემლი დამაკლდა, გულაჩუყებული რომ ესაუბრება ხოლმე ხალხს. არადა, მართლა რომ თვალსა და ხელს შუა იტყუება ყოველთვის. ახლაც, წამლებზე საუბრობს და ოქრიაშვილი დაიბრუნა პარტიაში, სამართლიანობაზე საუბრობს და მერაბიშვილი უდგას გვერდით. ჩვენ კი, ისეთი ხელისუფლებაც არ გვყავს, რომელიც ადეკვატურ პასუხს გასცემს. პირიქით, მისი ნამოღვაწარის ხარჯზე ცდილობენ ძალაუფლების გახანგრძლივებას, რადგან, „ქართულმა ოცნებამ“, თუ რამე შესაჭმელი იყო გადარჩენილი, ბოლომდე შეჭამა და გამოხრა. ასე რომ, მე არ მგონია არცერთი პოლიტიკური ძალა, „ნაციონალების“ გარდა , რომელიც სააკაშვილს აპატიებს იმ დანაშაულებებს, რაც ამ ქვეყნის წინაშე აქვს ჩადენილი. ამიტომ, სააკაშვილი ვერც არჩევნების მერე ჩამოვა საქართველოში. ივანიშვილი კი, კვლავაც, როგორც არაერთხელ, შეეცდება სწორედ სააკაშვილი გამოიყენოს მაშველ რგოლად, რადგან სწორედ სააკაშვილია ივანიშვილის საყრდენი. ჩვენ კი ნამდვილად არ ვართ იმის ღირსი, რომ ამჯერადაც წარსულს და უიმედობას შორის გავაკეთოთ არჩევანი. დღეს თუ ვინმეა დასამარცხებელი, ეს ჩვენი უღირსი წარსულია, ის მევახშური წარსული, რომელიც დღესაც არსებობს და ბოგინობს”, - განაცხადა დავით ჭიჭინაძემ.

აღნიშნულ კომენტარს „ტრიბუნას“ პრესსამსახური ავრცელებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა