ბელარუსის ოპოზიციის საკოორდინაციო საბჭოს წევრი მარია კოლესნიკოვა უკრაინის საზღვარზე დააკავეს, - ამის შესახებ ინფორმაციას ადგილობრივი მედია ავრცელებს.

მანამდე კი გავრცელდა ინფორმაცია, რომ მარია კოლესნიკოვამ და საკოორდინაციო საბჭოს კიდევ ორმა წევრმა ბელარუსი დატოვეს.

შეგახსენებთ, გუშინ მედიამ თვითმხილველებზე დაყრდნობით გაავრცელა ინფორმაცია, რომ მარია კოლესნიკოვა მინსკის ცენტრში დაუდგენელმა პირებმა მინივენში ჩასვეს და გაურკვეველი მიმართულებით წაიყვანეს.