სერგი კაპანაძე სააკაშვილის მიმართვაზე - მარტო სადღეგრძელო და იმაზე საუბარი, თუ როგორი უნდა იყოს ქვეყანა, საკმარისი არ არის

„ევროპული საქართველოს“ საარჩევნო შტაბის ხელმძღვანელის სერგი კაპანაძის განცხადებით, მიხეილ სააკაშვილის გუშინდელი განცხადება იყო იმის შესახებ, თუ როგორია მდიდარი საქართველო და არა კონკრეტული გზები, რაც საჭიროა კრიზისის დასაძლევად.

კაპანაძის თქმით, ქვეყანას კრიზისის დასაძლევად სჭირდება კონკრეტული გეგმა.

„დღეს ქვეყანა იმყოფება უმძიმეს ეკონომიკურ კრიზისში, საიდანაც არის სასწრაფოდ გამოსაყვანი და სასწრაფოდაა მოსახდენი გარდამტეხი ცვლილებები. ამას სჭირდება კონკრეტული ხედვა, თუ რა უნდა გაკეთდეს. ჩვენ, სამწუხაროდ, გუშინ მოვისმინეთ იმის ხედვა, თუ როგორია მდიდარი საქართველო და არა კონკრეტული გზები, რა უნდა გაკეთდეს იმისთვის, რომ ეს უმძიმესი და უმწვავესი ეკონომიკური კრიზისი დავძლიოთ. განსხვავება სწორედ ესაა, რომ „ევროპულ საქართველოს“ გვაქვს ასეთი ხედვა, გვაქვს მიმართულება რა უნდა გაკერთდეს იმისთვის, რომ საქართველო იყოს უფრო მდიდარი, რა უნდა გაკეთდეს, რომ მწვავე კრიზისი დაიძლიოს „ქართული ოცნების“ დამარცხების მერე, რაც აუცილებლად მოხდება, ქვეყანა წავიდეს წინ და არ წავიდეს უკან. მარტო სადღეგრძელო და იმაზე საუბარი, თუ როგორი უნდა იყოს ქვეყანა, რომ უნდა იყოს მდიდარი და სასამართლო უნდა იყოს დამოუკიდებელი, ეს საკმარისი არ არის“, - განაცხადა კაპანაძემ.

ცნობისთვის, საქართველოს მესამე პრეზიდენტმა მიხეილ სააკაშვილმა ვიდეომიმართვის დროს განაცხადა, რომ საქართველოს პრემიერ-მინისტრი იქნება არა სრული ვადით, არამედ 2 წლით.

მისი თქმით, 2 წელი იქნება საკმარისი, რომ ქვეყანა „ამოვათრიოთ ჭაობიდან და ძალიან სწრაფად წავიდეთ წინ“.

მან ასევე საზოგადოებას კიდევ ერთხელ მოუხადა ბოდიში შეცდომებისთვის.

„მინდა შეცდომებისთვის მოგიხადოთ კიდევ ერთხელ ყველას გულწრფელი ბოდიში, მაგრამ ბოდიში არ კმარა, მთავარი არა ბოდიში, მთავარია შეცდომების გამოსწორება. მინდა გვქონდეს და მოგვეცეს შეცდომების გამოსწორების საშუალება“, - აღნიშნა სააკაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით