რუსეთის საგარეო საქმეთა მინისტრის მოადგილე - ნავალნისთან დაკავშირებულმა სიტუაციამ „ჩრდილოეთის ნაკადი -2“-ზე უარყოფითად არ უნდა იმოქმედოს
ალექსეი ნავალნისთან დაკავშირებულმა სიტუაციამ „ჩრდილოეთის ნაკადი-2“-ზე უარყოფითად არ უნდა იმოქმედოს, პროექტი პოლიტიკის მიღმა უნდა დარჩეს, - ამის შესახებ რუსეთის საგარეო საქმეთა მინისტრის მოადგილემ, ალექსანდრ გრუშკომ განაცხადა.
მისი თქმით, ეს პროექტი ევროპის ენერგოუსაფრთხოებას აძლიერებს და ეკონომიკური ურთიერთობისთვის პლატფორმას ქმნის.
გრუშკო აშშ-ის პრეზიდენტის, დონალდ ტრამპის მიერ „ჩრდილოეთის ნაკადი-2“-ის შესახებ გაკეთებულ განცხადებასაც გამოეხმაურა და აღნიშნა, რომ ამაში ახალი არაფერია, ვინაიდან შეერთებული შტატები პროექტს სისტემატურად ებრძვის.
„რაც შეეხება ამერიკელი ოფიციალური პირების მიერ გაკეთებულ განცხადებებს, ამაში ახალი არაფერია, ისინი გამუდმებით და სისტემატურად ებრძვიან „ჩრდილოეთის ნაკადი-2“-ს. ევროპამ უნდა ნახოს საკუთარ თავში ძალა, რომ განაცხადოს საკუთარი ეროვნული ინტერესების შესახებ, თუკი მას ვასალურ მდგომარეობაში ყოფნა არ სურს“, - განაცხადა რუსეთის საგარეო საქმეთა მინისტრის მოადგილემ.
ცნობისთვის, აშშ-ის პრეზიდენტის, დონალდ ტრამპის თქმით, გერმანიამ გაზსადენ „ჩრდილოეთის ნაკადი-2”-ის გაყვანაზე უარი უნდა განაცხადოს.
v-if="article.gallery" v-html="article.gallery"
