პატიმრების დედებმა, საყოველთაო ამნისტიის კანონპროექტის დაჩქარებული წესით განხილვის მოთხოვნით, პარლამენტთან შიმშილობა დაიწყეს

პარლამენტის შენობის უკანა შესასვლელთან, პატიმრების დედებმა საყოველთაო ამნისტიის კანონპროექტის დაჩქარებული წესით განხილვის მოთხოვნით, შიმშილობა დაიწყეს.

აქციის ერთ-ერთი ორგანიზატორის, ადვოკატ ალექსანდრე კობაიძის განცხადებით, იმედი აქვს, რომ პარლამენტის წევრები გონიერებას გამოიჩენენ.

„დღეს პატიმრის ოჯახის წევრები იწყებენ შიმშილობას იმ მოთხოვნით, რომ გამოიცეს არჩევნებამდე ფართომასშტაბიანი ამნისტია. ჩვენ შევიტანეთ კანონპროექტი ამნისტიის შესახებ, მაგრამ სამწუხაროდ, აღნიშნულ კანონპროექტთან დაკავშირებით ჯერჯერობით არანაირი კომენტარი არ კეთდება. დღეს ასეთი ფორმა მიიღო ჩვენმა აქციამ, რომ უკვე შიმშილობა დაიწყო. იმედი მაქვს, ეს შიმშილობა კრიტიკულ მდგომარეობამდე არ მივა და გამოიჩენენ გონიერებას ის ადამიანები რომლებსაც ჯერ კიდევ აქვთ შესაძლებლობა, რომ ამ კანონპროექტზე იმსჯელონ. აქედან გამომდინარე, ჩვენი მოთხოვნაა, კანონპროექტი დაჩქარებული წესით განიხილონ," - აღნიშნა ალექსანდრე კობაიძემ.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული