დღევანდელი მონაცემებით, უმრავლესობას ერთპიროვნულად ვერ აგროვებს ვერცერთი პოლიტიკური ორგანიზაცია, - ამის შესახებ პარტია „გამარჯვებული საქართველოს“ თავმჯდომარემ, საბურთალოს ოლქის მაჟორიტარი დეპუტატობის კანდიდატმა ირაკლი ოქრუაშვილმა ტელეკომპანია „პალიტრანიუსის“ გადაცემა „ნიუსრუმში“ განაცხადა.

მისივე აზრით, საჭირო გახდება კოალიციური მთავრობის შექმნა, თუმცა თუ კოალიციას გამაერთიანებელი ძალა არ ეყოლება, დაიშლება.

„ერთი რამ ცალსახაა, დღევანდელი მონაცემებით, თუ რამე კვლევა იდება, ყველა მიუთითებს ერთ რამეს, რომ უმრავლესობას ერთპიროვნულად ვერ აგროვებს, ვერცერთი პოლიტიკური ორგანიზაცია. ერთობის გარეშე შეუძლებელია იმაზე საუბარი, თუ რა ტიპის მმართველობა გვექნება ჩვენ. ერთმნიშვნელოვნად შეგვიძლია იმის თქმა, რომ ჩვენ კოალიციური მმართველობა გვექნება. ხალხს არ აინტერესებს რა ტიპის კოალიციური მმართველობა გვექნება, ხალხს აინტერესებს ერთი რამ ამ ტიპის მმართველობის შედეგად მათი ცხოვრება გაუმჯობესდება თუ არა?! ჩვენ ყველამ ერთად უნდა შევქმნათ საზოგადოების დარწმუნება, რომ კოალიციური მმართველობით შევძლებთ ქვეყნის ჭაობიდან ამოყვანას. თუ არ იქნება ვინმე გამაერთიანებელი ძალა - კოალიცია დაიშლება“, - განაცხადა ირაკლი ოქრუაშვილმა.