ბექა ლილუაშვილი - პანდემიის და ეკონომიკური კრიზისის ფონზე, პირდაპირი უცხოური ინვესტიციების ზრდა მიუთითებს, რომ ინვესტორები ენდობიან ქვეყანაში არსებულ ეკონომიკურ პოლიტიკას

გლობალური პანდემიისა და ვირუსის გავრცელებით განპირობებული ეკონომიკური გამოწვევების მიუხედავად, საქართველოში, პირდაპირი უცხოური ინვესტიციების მაჩვენებელი, 2020 წლის მე-2 კვარტალში, წინა წლის ანალოგიურ პერიოდთან შედარებით გაზრდილია, - ამის შესახებ საქართველოს პრემიერ-მინისტრის მრჩველმა ეკონომიკურ საკითხებში ბექა ლილუაშვილმა განაცხადა.

მისივე განმარტებით, ეკონომიკა სტაბილიზაციის შემდეგ უკვე გადავიდა გაჯანსაღების ეტაპზე და ეტაპობრივად მცირდება ქვეყნის ეკონომიკის შემცირების მაჩვენებელი.

„ამ მოცემულობაში, პანდემიის და ეკონომიკური კრიზისის ფონზე, საქართველოში პირდაპირი უცხოური ინვესტიციების ზრდის მაჩვენებელი მიუთითებს, რომ ინვესტორები ენდობიან ქვეყანაში არსებულ ეკონომიკურ პოლიტიკას და პოზიტიურად არიან განწყობილი ქვეყნის ეკონომიკის გაჯანსაღებასთან დაკავშირებით.

გარდა პირდაპირი უცხოური ინვესტიციებისა, ჩვენ ვაკვირდებით, რომ ეკონომიკა სტაბილიზაციის შემდეგ უკვე გადავიდა გაჯანსაღების ეტაპზე და ეტაპობრივად მცირდება ქვეყნის ეკონომიკის შემცირების მაჩვენებელი. ჩვენ ივნისში გვქონდა -7.7 პროცენტიანი შემცირება, ივლისში უკვე ეს მაჩვენებელი -5.5 პროცენტამდე შემცირდა. აღსანიშნავია, რომ სხვა ეკონომიკური მაჩვენებლები, ისეთი, როგორიც არის, მაგალითად ფულადი გზავნილების მაჩვენებელი, ფისკალური პარამეტრები, ხარჯვის მაჩვენებლები არის გაუმჯობესებული და ეკონომიკური აქტივობა გაჯანსაღდა გადამამუშავებელ მრეწველობაში, სამთო-მომპოვებლობით მრეწველობაში, რაც ეკონომიკის რეალური სექტორებია და დასაქმებისთვის კრიტიკულად მნიშვნელოვანია.

აღსანიშნავია მთავრობის ეკონომიკური პაკეტის როლიც, რადგან აღნიშნულმა გამოიწვია იმ შემცირებული მოხმარების დაბალანსება, რაც თან სდევდა კრიზისს და ადამიანებმა დაიწყეს მეტი ფულის ხარჯვა, გაზარდეს მოხმარება, რაც ეკონომიკას ეხმარება სწრაფად გამოვიდეს კრიზისიდან. შესაბამისად, ჩვენ ველოდებით, რომ ეკონომიკა სწრაფად აღდგება და მომდევნო წლის განმავლობაში ჩვენ უკვე გვექნება ეკონომიკური ზრდის საკმაოდ კარგი მაჩვენებლები“, - განაცხადა პრემიერის მრჩეველმა.

ლილუაშვილის კომენტარს მთავრობის ადმინისტრაცია ავრცელებს.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე