ბელარუსში რუსულ-სერბულ-ბელარუსული სამხედრო წვრთნები ჩატარდება, - ამის შესახებ ინფორმაცია ბელარუსის თავდაცვის სამინისტროს Telegram არხზეა განთავსებული. მათივე ინფორმაციით, მონაწილეების ბელარუსში ჩასვლა 10-15 სექტემბერს იგეგმება.

„მრავალეროვნული ბელარუსულ-რუსულ-სერბული სამხედრო წვრთნები Slavic Brotherhood 2020 ბრესცკის 38-ე საჰაერო-სადესანტო ბრიგადის პოლიგონზე ჩატარდება, მონაწილეთა ჩამოსვლა დაგეგმილია 10 სექტემბრიდან 15 სექტემბრამდე,“- აღნიშნულია სამინისტროს მიერ გავრცელებულ ინფორმაციაში.

წვრთნებს ბელარუსის სპეციალური ძალების წარმომადგენელი გაუძღვება. სამინისტროს ინფრაციით, ბელარუსი, რუსი და სერბი სამხედრო მოსამსახურეები ტერორიზმის წინააღმდეგ ბრძოლაში ერთობლივი მოქმედებების განხორციელებაში ივარჯიშებენ.