თამარ გაბუნია - კორონავირუსის ვაქცინის თაობაზე ინტერესის წერილი გადავგზავნეთ, მოსახლეობის 20%-ის ვაქცინაციისთვის 20 მილიონი დოლარია საჭირო

ჯანდაცვის სამინისტრო კოვიდინფექციის წინააღმდეგ ქვეყნის მოსახლეობის 20%-ის ვაქცინაციას გეგმავს, რისთვისაც 20 მილიონი დოლარია საჭირო. ამის შესახებ „პალიტრანიუსის“ გადაცემა „360 გრადუსში“ ჯანდაცვის მინისტრის მოადგილემ თამარ გაბუნიამ განაცხადა.

როგორც გაბუნიამ განმარტა, გარდა ამისა საქართველო გეგმავს შეისყიდოს გრიპის 135 ათასი და პნევმონიის ვაქცინის 20 ათასი დოზა.

„ვიდრე ზამთრის საკურორტო სეზონამდე მივალთ, შემოდგომის რთული პერიოდი გვექნება გადასატანი. გრიპის შემთხვევების მატება ვიცით, რომ არის ნოემბრის თვეში, ოქტომბრის ბოლოდან, როდესაც აცივება იწყება. პირველი სეზონი იქნება, როდესაც გრიპის და კორონავირუსის თანხვედრა გვექნება. ეს არის დამატებითი გამოწვევა. გრიპის ეპიდემიის მართვა ჩვენს სისტემას რამდენჯერმე მოუხდა და თავი გაართვა. არის გრიპის ვაქცინაც, მედიკამენტიც არსებობს. სასურველი იქნებოდა მეტი გვქონოდა ვაქცინაციით მოცვა. წელს 135 ათას ვაქცინას შეისყიდის სახელმწიფო. ჩვენ გვქონდა ინტერესი და სურვილი 100 ათასი დამატებითი დოზა შეგვესყიდა, მაგრამ გლობალურ ბაზარზე ამ მიმართულებითაც გარკვეული შეზღუდვები არის. მაინც ვცდილობთ და ვმუშაობთ საერთაშორისო პარტნიორებთან, რომ მოვიზიდოთ დამატებითი ვაქცინა და ჩავატაროთ აცრები. თუმცა, გასულ წლებში გრიპის ვაქცინაციაზე დიდი მოთხოვნა არ იყო.

ანტივაქსერის თემა ყოველთვის მუშაობს და დაავადებათა კონტროლის ცენტრს დიდი ძალისხმევა სჭირდება თუნდაც იმისთვის, რომ 135 ათასი დოზა შესაფერისად მაღალი რისკის ჯგუფებში გამოიყენოს. საერთოდ ქვეყანა რომ ფარავდეს ვაქცინაციას ისე, როგორც ევროპის ქვეყნები, დაახლოებით, 1 მილიონი დოზა გვჭირდებოდა. ამაზე ვფიქრობთ, ვმუშაობთ, მაგრამ დიდი გზაა გასავლელი. წელს იქნება ის, რაც იქნება. კიდევ ერთ ამდენს თუ ვიშოვით, ეს იქნება ჩვენთვის სერიოზული მიღწევა და უკეთესი დაცვა.

გარდა ამისა, დავიწყებთ პნევმონიის ვაქცინაციას, 20 ათას დოზას. ეს მცირე იქნება, მაგრამ პირველად იქნება, რომ ხანდაზმულებს ავცრით.

ვაქცინაცია გაკეთდება მაღალი რისკის ჯგუფებში ეს კრიტერიუმები არსებობს. დილემაა ჯანდაცვაში ვინ არის პირველი ჯგუფი, რატომ ისინი და სხვა არა, მაგრამ ეს არ არის კოვიდთან და ეპიდემიასთან დაკავშირებული თემა. ხანდაზმული არის პრიორიტეტი, რომელსაც აქვს ქრონიკული დაავადება, შაქრიანი დიაბეტი და ა.შ. ასევე აქ შედის სამედიცინო პერსონალიც“, - განაცხადა გაბუნიამ.

ჯანდაცვის მინისტრის მოადგილის განცხადებით, ასევე მიდის მუშაობა კოვიდის ვაქცინაზეც,

„თუ საკმარისი ვაქცინა იქნა გლობალურ ბაზარზე, გვინდა მოსახლეობის 20% მოვიცვათ. ეს არის პირველი ეტაპი ამ მიმართულებით და საიდანღაც უნდა დავიწყოთ. ნებისმიერი ახალი ვაქცინის დანერგვას სჭირდება სერიოზული წინასწარი ძალისხმევა. ისიც არ ივარგებს, რომ ჭარბი რაოდენობა გვქონდეს. პნევმონიის ვაქცინაც უნდა ვიშოვოთ, ესეც არ არის რომ თავისუფლად არსებობდეს. ამ მხრივ სირთულეები და გამოწვევები გვაქვს“, - აღნიშნა გაბიუნიამ და დასძინა, რომ ჯერჯერობით უცნობია რომელი ქვეყნის წარმოებული ვაქცინა შემოვა საქართველოში კორონავირუსის წინააღმდეგ.

“დღეს არის 3-4 ლიდერი, რომელიც მიუახლოვდა თავისი კვლევის დასრულებას და იმედი აქვთ, რომ ამ წლის ბოლოს, მომდევნო წლის დასაწყისში იქნება ხელმისაწვდომი ამ მწარმოებლების ვაქცინები. ჩვენ უკვე გადავგდით პირველი ნაბიჯი და გავგზავნეთ ინტერესის წერილი ვაქცინების გლობალურ ალიანსში. შემდეგი ეტაპია წინასწარი გადახდა, რაც 3-4 მილიონი დოლარია. მოსახლეობის 20 % რომ მოვიცვათ დაახლოებით 20 მილიონამდე სჭირდება ამ ვაქცინის შესაძენად. დონორები გვეხმარებიან და ამ კუთხით პრობლემები მოსალოდნელი არ არის“, - განაცხადა გაბუნიამ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა