აშშ-ის პრეზიდენტი დონალდ ტრამპი ერაყში ამერიკელი ჯარისკაცების რაოდენობის შემცირების შესახებ განცხადებას დღეს გააკეთებს, -ამის შესახებ ინფორმაციას Reuters-ი ავრცელებს.
სააგენტოს ცნობით, აშშ-ის პრეზიდენტი უახლოეს დღეებში სამხედრო ძალების რაოდენობის ავღანეთში შემცირებასაც დააანონსებს.
აშშ-ს ერაყში დახლოებით 5200 ჯარისკაცი ჰყავს განლაგებული. წყარომ, რომელმაც ანონიმურობა ისურვა, Reuters-ს განუცხადა, რომ აშშ ერაყში განთავსებული ჯარისკაცების მესამედით შემცირებას გეგმავს.
რაც შეეხება ავღანეთს, ამჟამად იქ 8 600 ამერიკელი ჯარისკაცი იმყოფება. გასულ თვეს დონალდ ტრამპმა Axios-სთან ინტერვიუში განაცხადა, რომ აშშ ავღანეთში ჯარისკაცების 4 000-მდე შემცირებას აპირებდა.