აშშ-ის შტატ კალიფორნიაში, ტყის ხანძრის გამო, ამერიკული სამხედრო ვერტმფრენებით კიდევ 100-მდე ადამიანის ევაკუაცია განახორციელეს, - ამის შესახებ ინფორმაციას Reuters-ი ავრცელებს.

სააგენტოს ცნობით, გადარჩენილებს შორის არიან ტურისტები, ლაშქრობაზე მყოფი ადამიანები და ადგილობრივი მოსახლეობა.

კალიფორნიაში ტყის ხანძრების მასშტაბმა რეკორდულ ნიშნულს მიაღწია. ამ დროისთვის შტატში ხანძარმა 24 სხვადასხვა კერაზე 800 000 ჰექტარზე მეტი ტერიტორია გაანადგურა.