დავით ზალკალიანსა და აშშ-ის წარმომადგენელთა პალატის საგარეო საქმეთა კომიტეტის ხელმძღვანელებს შორის სატელეფონი საუბარი შედგა

საქართველოს საგარეო საქმეთა მინისტრ დავით ზალკალიანსა და აშშ-ის წარმომადგენელთა პალატის საგარეო საქმეთა კომიტეტის ხელმძღვანელებს შორის სატელეფონი საუბარი შედგა, რა დროსაც ქვეყნის პირველმა დიპლომატმა კონგრესმენებს საქართველოს წინაშე არსებული გამოწვევები გააცნო. ამის შესახებ ინფორმაციას დავით ზალკალიანი სოციალური ქსელის საკუთარ გვერდზე ავრცელებს.

მინისტრის თქმით, მან კომიტეტის თავმჯდომარეს ენგელს და კომიტეტის წევრ მაქქოლს აშშ-სა და საქართველოს შორის სტრატეგიულ პარტნიორობასთან დაკავშირებული საკითხებისა და ასევე, საქართველოს უსაფრთხოების, სუვერენიტეტის, ტერიტორიული მთლიანობისა და ევროატლანტიკური ინტეგრაციის მხარდაჭერისთვის მადლობა გადაუხადა.

„უაღრესად ვაფასებ კონგრესმენების მხრიდან საქართველოს მიმართ გამოთქმულ ორპარტიულ მხარდაჭერასა და მზაობას, განაგრძონ აშშ-სა და საქართველოს შორის კავშირების განმტკიცება.

კონგრესმენებს გავაცანი საქართველოს ოკუპირებულ რეგიონებში არსებული უმძიმესი ჰუმანიტარული და უსაფრთხოების მდგომარეობა და ოკუპირებული რეჟიმის უკანონო ქმედებები. ამავე დროს, ხაზგასმით აღვნიშნე, კონგრესის, ასევე, საერთაშორისო ფორუმების დღის წესრიგში საქართველოსთან დაკავშირებული უსაფრთხოების საკითხების მაღალ დონეზე შენარჩუნების მნიშვნელობა. უსაფრთხოებასთან დაკავშირებული საკითხების გარდა, ჩვენ განვიხილეთ კოვიდის კრიზისზე საქართველოს წარმატებული რეაგირება, რაც განპირობებული იყო ადრეული პრევენციის ღონისძიებებით, მთავრობასა და ჯანდაცვის სპეციალისტებს შორის მჭიდრო კოორდინაციითა და ასევე, საზოგადობასთან ეფექტიანი კომუნიკაციით.

კონგრესმენებს, ასევე, გავაცანი კონსტიტუციაში შეტანილი ფუნდამენტური ცვლილებები, რომლებიც უზრუნველყოფს საქართველოს პარლამენტში პროპორციულ წარმომადგენლობას და 2024 წლიდან სრულად პროპორციულ საარჩევნო სისტემაზე გადასვლას. მე მათ დავუდასტურე საქართველოს მთავრობის მზაობა, ჩაატაროს კიდევ ერთი თავისუფალი და სამართლიანი არჩევნები საერთაშორისო სტანდარტებისა და ეუთოს/ოდირის მოთხოვნების შესაბამისად,“- განაცხადა ზალკალიანმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ