საბერძნეთის კუნძულ ლესბოსზე მიგრანტების უდიდესი ბანაკი „მორია“ დაიწვა, - ამის შესახებ ინფორმაციას „როიტერსი“ ავრცელებს.

სააგენტოს ცნობით, ბანაკიდან მიგრანტების ევაკუაცია განხორციელდა, რამდენიმე მათგანი ხანძრისგან გამოწვეული კვამლის შედეგად დაშავდა.

ხანძრის მიზეზი ჯერჯერობით უცნობია. ცეცხლის ჩაქრობას 25 მეხანძრე ცდილობდა.

აღსანიშნავია, რომ „მორიაში“ 13 000-მდე მიგრანტი ცხოვრობს, რაც დასაშვებ რაოდენობას ოთხჯერ აჭარბებს. ბანაკში გასულ კვირას კარანტინი გამოცხადდა მას შემდეგ, რაც მის 35 ბინადარს კორონავირუსი დაუდასტურდა.