ფეხბურთელ გიორგი შაქარაშვილის განზრახ დამამძიმებელ გარემოებებში ჩადენილი მკვლელობის ბრალდებით დაკავებული მორაგბის, არჩილ გაგნიძის ადვოკატი ვასილ მამულაშვილი დღეს მცხეთის რაიონული სასამართლოს მოსამართლეს, ეკატერინე კულულაშვილს ხვალინდელ პროცესთან დაკავშირებით შუამდგომლობით მიმართავს.
როგორც „ინტერპრესნიუსთან“ საუბარში მამულაშვილი განმარტავს, იმისათვის, რომ დაცვის უფლება სრულყოფილად განახორციელონ, სხდომათა დარბაზის ინფრასტრუქტურა გამართული უნდა იყოს. ადვოკატის თქმითვე, იმ შემთხვევაში, თუკი, სასამართლოს სხდომათა დარბაზის მოწყობის რესურსი სასამართლოს არ გააჩნია, პროცესები თბილისში გადაიტანონ, ან მათ დართონ ნება, რომ თავად უზრუნველყონ ინფრასტრქუტურა.
ცნობისთვის, გიორგი შაქარაშვილის განზრახ დამამძიმებელ გარემოებებში ჩადენილი მკვლელობის ბრალდებით დაკავებული 5 პირის სასამართლო პროცესი მცხეთის რაიონულ სასამართლოში ხვალ, 10 სექტემბერს, 12:00 საათზეა დანიშნული.