ნიღბიანმა პირებმა კიდევ ერთი ბელარუსი ოპოზიციონერი პოლიტიკოსი, ოპოზიციის საკოორდინაციო საბჭოს წევრი მაქსიმ ზნაკი დააკავეს, - ამის შესახებ Interfax-ი იუწყება.
ზნაკის ადვოკატის თქმით, სახელმწიფო საგამოძიებო კომიტეტი მისი კლიენტის სახლის ჩხრეკას ახორციელებს.
შეგახსენებთ, ორი დღის წინ გავრცელდა ინფორმაცია, რომ ოპოზიციის საკოორდინაციო საბჭოს წევრი მარია კოლესნიკოვა ნიღბიანმა პირებმა მინსკის ცენტრში მინივენში ჩასვეს და გაურკვეველი მიმართულებით წაიყვანეს. მისი თანაგუნდელების ინფორმაციით, ხელისუფლება კოლესნიკოვას უკრაინაში დეპორტაციას შეეცადა, თუმცა მან პასპორტი დახია და ქვეყნისგან გაძევებას თავი ამ გზით დააღწია.