ბელარუსის პრეზიდენტმა ალექსანდრე ლუკაშენკომ განაცხადა, რომ არსებობს ალექსეი ნავალნის შესახებ საუბრის გამოუქვეყნებელი ნაწილი, რომელიც სენსაციურ დეტალებს შეიცავს, - ამის შესახებ რადიოსადგურ „ლაპარაკობს მოსკოვის“ მთავარმა რედაქტორმა რომან ბაბაიანმა განაცხადა, რომელსაც, სხვა რუს ჟურნალისტებთან ერთად, ბელარუსის პრეზიდენტი გუშინ ესაუბრა.
„სიტყვა-სიტყვით ციტირებას ვერ მოვახდენ, მაგრამ აზრს გადმოგცემთ. ლუკაშენო: ჩვენ მთელი საუბარი გვაქვს, გინდათ მოისმინოთ? ჩვენ: რა თქმა უნდა, დიახ. ამაზე მან გვიპასუხა: მაშინ რუსეთის „ეფ-ეს-ბეს“ ხელმძღვნელს სთხოვეთ. მოგასმენინებთ, მე მას გადავეცი. მაგრამ მინდა გითხრათ, რომ ეს ჯერ კიდევ არაფერია, ეს ყვავილებია. წარმოდგენაც არ გაქვთ, რა ინფორმაცია გვაქვს“, - აღნიშნა ლუკაშენკომ.
შეგახსენებთ, რამდენიმე დღის წინ ალექსანდრე ლუკაშენკომ განაცხადა, რომ მათ ბერლინსა და ვარშავას შორის გამართული საუბრის ჩანაწერი მოიპოვეს, რომელიც ამტკიცებს, რომ რუსი ოპოზიციონერის, ალექსეი ნავალნის მოწამვლის შესახებ ინფორმაცია გაყალბებულია.