ნატალია ვუტოვა ევროპის საბჭოს საქართველოს ოფისს უხელმძღვანელებს

ევროპის საბჭოს საქართველოს ოფისს ნატალია ვუტოვა უხელმძღვანელებს. როგორც „ინტერპრესნიუსს“ ევროპის საბჭოს საქართველოს ოფისიდან აცნობეს, ნატალია ვუტოვა მუშაობდა ადამიანის უფლებებსა და სამართლებრივი რეფორმების პროექტებზე სომხეთში, ბოსნია და ჰერცეგოვინაში, ბულგარეთში, საქართველოში, რუსეთში, უკრაინასა და ყაზახეთში.

„ევროპის საბჭოს საქართველოს ოფისი პატივისცემით მიესალმება ახალ ხელმძღვანელს ნატალია ვუტოვას, რომელიც ოფისს ევროპის საბჭოსა და ეუთოში მუშაობის 25 წლიანი პროფესიული გამოცდილებით უერთდება.

ნატალია ვუტოვა მუშაობდა ადამიანის უფლებებსა და სამართლებრივი რეფორმების პროექტებზე სომხეთში, ბოსნია და ჰერცეგოვინაში, ბულგარეთში, საქართველოში, რუსეთში, უკრაინასა და ყაზახეთში. ასევე თანამშრომლობდა „Médecins sans Frontières“-თან (ექიმები საზღვრებს გარეშე) ჩეჩნეთში. ის ხელმძღვანელობდა ევროპის საბჭოს ერევნის ოფისს (2015-2020 წწ.), იყო ევროპის საბჭოს ოფისის ხელმძღვანელის მოადგილე უკრაინაში (2007-2009 წწ.), ხოლო 2002-2004 წლებში ევროპის საბჭოს გენერალური მდივნის სპეციალური წარმომადგენელი სომხეთში.

ნატალია ვუტოვა ფლობს სოფიას უნივერსიტეტის მაგისტრის ხარისხს სამართალში, პანთეონ-ასასის უნივერსიტეტის (პარიზი) მაგისტრის ხარისხს საერთაშორისო და ევროპულ სამართალში, სტრასბურგის უნივერსიტეტის მაგისტრის ხარისხს ადამიანის უფლებებში და ლონდონის ეკონომიკისა და პოლიტიკური მეცნიერებების სკოლის ბაკალავრის ხარისხს ქცევით მეცნიერებებში.

ნატალია ვუტოვა კითხულობს ლექციებს (აკადემიურ და პროფესიულ წრეებში) ისეთ თემებზე, როგორიცაა ადამიანის უფლებები და ჰუმანიტარული სამართალი, ოჯახში ძალადობის პრევენცია და დისკრიმინაციის წინააღმდეგ ბრძოლა“,-ნათქვამია გავრცელებულ ინფორმაციაში.

ნატალია ვუტოვამ ახალ პოზიციაზე საქმიანობის დასაწყისში კომენტარი გააკეთა და განაცხადა, რომ ის მოხარულია გააძლიეროს თანამშრომლობა ხელისუფლებასთან და საერთაშორისო ორგანიზაციებთან.

„მოხარული ვარ, გავაძლიერო ჩვენი თანამშრომლობა საქართველოს ხელისუფლებასთან, საერთაშორისო ორგანიზაციებსა თუ სხვა პარტნიორებთან და ვუხელმძღვანელო ევროპის საბჭოს საქართველოს ოფისის შესანიშნავ გუნდს“, - აცხადებს ნატალია ვუტოვა ახალ პოზიციაზე საქმიანობის დასაწყისში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება