Reuters/Ipsos-ის ბოლო გამოკითხვის თანახმად, პრეზიდენტობის „დემოკრატი“ კანდიდატი ჯო ბაიდენი პრეზიდენტ დონალდ ტრამპს 12%-ით უსწრებს, - ამის შესახებ ინფორმაციას Reuters-ი ავრცელებს.
კვლევის თანახმად, ჯო ბაიდენს მხარს გამოკითხულთა 52%-ი უჭერს, დონალდ ტრამპს კი 40%.
გარდა ამისა, Reuters-ი წერს, რომ პოტენციური ამომრჩევლების 3% ხმის მიცემას სხვა კანდიდატისთვის აპირებს. 5%-ს კი ჯერჯერობით არ გადაუწყვეტია, ვის დაუჭერს მხარს საპრეზიდენტო არჩევნებში.
შეგახსენებთ, აშშ-ში საპრეზიდენტო არჩევნები მიმდინარე წლის 3 ნოემბერს გაიმართება.