„თავისუფალი საქართველო“ - სააკაშვილის ბოდიშებს მეტი კონკრეტიკა სჭირდება

პირადად მე ამ ბოდიშების გულწრფელობის არ მჯერა და ყველანი კარგად ვხვდებით, რომ ყალბია, თუმცა დასავლურ პოლიტიკურ პრაქტიკაში ბოდიშების მოხდის ფორმა არსებობს , - ამის შესახებ „თავისუფალი საქართველოს“ ლიდერმა კახა კუკავამ განაცხადა, რითაც გამოეხმაურა მესამე პრეზიდენტის მიხეილ სააკაშვილის განცხადებას, ბოდიშის მოხდასთან დაკავშირებით.

კუკავას თქმით, ამ შემთხვევაში ორი მნიშვნელოვანი ფაქტორი უნდა აღინიშნოს.

„პირველი-ბოდიშებს იხდიან დამნაშავეების მემკვიდრეები. რა თქმა უნდა, ჰიტლერისგან და ნაცისტებისგან ბოდიშს ვერავინ ვერ მიიღებდა, თუმცა თანამედროვე გერმანია, მერკელის სახით, ახლაც იხდის ბოდიშს იმ ფაშიზმის გამო, რომელიც გერმანიაში, ჰიტლერის დროს არსებობდა. ეს ჩვეულებრივი ამბავია, ისევე, როგორც იაპონიის მთავრობა დღემდე იხდის ბოდიშს.

უნდა აღინიშნოს, რომ ბოდიშს წინ უსწრებს ხოლმე მართლმსაჯულება. როდესაც ჩვენ, თავად დამნაშავეები გვესაუბრებიან იმის შესახებ, რომ ბოდიშს იხდიან, ეს გაუგებარია, რადგან ერთი მხრივ, ის ბოდიშს იხდის, ხოლო მეორე მხრივ, ის უარს ამბობს წარსდგეს კანონის წინაშე და პასუხი აგოს იმ ჩადენილი დანაშაულებებისთვის. ეს კი, ცხადია, რომ ამ ბოდიშს ყველანაირ ნდობას უკარგავს“,- განაცხადა კახა კუკავამ.

„თავისუფალი საქართველოს“ ლიდერმა ყურადღება გაამახვილა სააკაშვილის წინა წლებში გაკეთებულ განცხადებებზეც.

„რთული არ არის ამოვკრიბოთ სააკაშვილის განცხადებები, რომელიც მან, თუნდაც ბოლო რვა წლის განმავლობაში გააკეთა. სააკაშვილი ხშირად იმეორებდა, რომ მისი ოპოზიცის წარმომადგენლები რუსეთის ჯაშუშები იყვნენ, ასევე ამბობდა, რომ 26 მაისის აქციის მონაწილეები კარგად იყვნენ “დასანაყები”, ასევე გირგვლიანზე, რობაქიძესა და ვაზაგაშვილზე სულ ბანდიტები იძახა. ამიტომ, კარგი იქნება, სააკაშვილმა თუ არა, „ნაციონალურმა მოძრაობამ“ მაინც ჩამოწეროს, რაზე იხდიან ბოდიშს და რაზე არა.

პირადად მე, ძალიან მაინტერესებს, მიიჩნევენ თუ არა, რომ გირგვლიანის მკვლელები მაშინდელმა პრეზიდენტმა უსამართლოდ შეიწყალა, ასევე მაინტერესებს, 7 ნოემბერი რუსეთის მიერ მოწყობილი შეთქმულება იყო, თუ ბოდიშს იხდიან, რომ მშვიდობიანი მანიფესტაცია უმოწყალოდ დაარბიეს, ანალოგიური მოხდა 26 მაისთან დაკავშირებითაც. მაინტერესებს აღიარებენ, თუ არა 2008 წელს ჩატარებული არჩევნების გაყალბებას და ასევე მაინტერესებს, აღიარებენ თუ არა იმას, რომ ანგრევდნენ ეკლესიას და მის შიგნით ოპერატიულ საქმიანობას აწარმოებდნენ.

ამ კონკრეტული შეფასებების გარეშე, მხოლოდ ზოგადი საუბრებით, რომ ჩვენ შეცდომები გვქონდა, არა გულწრფელი და არასერიოზულია“, - განაცხადა კახა კუკავამ.

აღნიშნულ კომანტარს „თავისუფალი საქართველოს“ პრესსამსახური ავრცელებს.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ