საქართველოს წითელი ჯვრის საზოგადოების პრეზიდენტმა, ნათია ლოლაძემ და გერმანიის ფედერაციული რესპუბლიკის ელჩმა საქართველოში, ჰუბერტ ქნირშმა წითელი ჯვრის ბენეფიციარი მოინახულეს, რომელსაც დახმარება ერთობლივი პროექტის ფარგლებში გაეწია.

როგორც “ინტერპრესნიუსს“ წითელი ჯვრის საზოგადოებიდან აცნობეს, COVID-19-ის პანდემიისას თბილისში მცხოვრებ მარტოხელა ხანდაზმულთა და განსაკუთრებული საჭიროებების მქონე პირთა მხარდასაჭერად, გერმანიის საელჩოსთან საგრანტო თანამშრომლობის ფარგლებში საქართველოს წითელი ჯვრის საზოგადოებას საშუალება აქვს დაეხმაროს ადამიანებს, ასევე მიაწოდოს სასურსათო და ჰიგიენური ამანათები.

მათივე ცნობით, ვიზიტისას მხარეებმა შინმოვლის გუნდის თანამშრომლის ჩართულობით, ხანდაზმულს სასურსათო და ჰიგიენური ამანათები გადასცეს.