ამერიკის შეერთებული შტატები სექტემბრის ბოლომდე ერაყიდან ჯარის მესამედზე მეტს გაიყვანს, - ამის შესახებ აშშ-ის ახლო აღმოსავლეთის სარდლობის მეთაურმა გენერალმა კენეტ მაკკენზიმ განაცხადა.

მისივე თქმით, ამერიკელი ჯარისკაცების რაოდენობა 5 200-დან 3 000-მდე შემცირდება.

შეგახსენებთ, ამერიკული ჯარის ერაყში ყოფნის საკითხი განსაკუთრებით აქტუალური ირანელი გენერლის ყასემ სულეიმანის დაღუპვის შემდეგ გახდა, რომელიც იანვარში აშშ-ის სამხედროების მიერ ბაღდადში ჩატარებულ ოპერაციას შეეწირა. სულეიმანის დაღუპვიდან რამდენიმე დღეში ერაყის პარლამენტმა მხარი დაუჭირა კანონპროექტს უცხოეთის ჯარების მიერ ქვეყნის დატოვების შესახებ.