ლევან ბოძაშვილი მცხეთა-მთიანეთის ოლქში მაჟორიტარი დეპუტატობის კანდიდატად იყრის კენჭს

ახალი პოლიტიკური მოძრაობის „სოციალური სამართლიანობის“ ლიდერი ლევან ბოძაშვილი მცხეთა-მთიანეთის ოლქში მაჟორიტარი დეპუტატობის კანდიდატად იყრის კენჭს.

როგორც ბოძაშვილმა „პალიტრანიუსის“ გადაცემა „დღის ნიუსრუმში“ განაცხადა, მოძრაობა მაჟორიტარს წარადგენს გლდანის ოლქშიც, სადაც კანდიდატი „სოციალური სამართლიანობისთვის“ თავმჯდომარე მამუკა ტუსკაძე იქნება. ასევე, პარტია ვაკის რაიონში რეჟისორ ნიკოლოზ ხომასურიძის კანდიდატურას დაასახელებს, ხოლო სამგორის რაიონში მაჟორიტარი დეპუტატობის კანდიდატი პარტიის გენერალური მდივანი გიორგი შერვაშიძე იქნება.

„ჩემი აქტიურ პოლიტიკურ საქმიანობაში ჩართვა და პოლიტიკურ პროცესსა და არჩევნებში მონაწილეობის მიღების სურვილი განპირობებულია იმ უმნიშვნელოვანესი, ძალიან რეფორმატორული და ინოვაციური პროგრამის განხორციელებით, რომელიც გვაქვს, შევქმენით ბოლო წლების განმავლობაში და რომელიც არსებით გარდატეხას შეიტანს ქვეყნის ცხოვრებაში. ეს არის პროგრამა, რომელსაც ჩვენ პირობითად დავარქვით „ნეო საქართველო“, რომელიც მიზნად ისახავს ქვეყნის იმ სტანდარტებზე გარდაქმნას, რომელიც დღეს არის აუცილებელი მსოფლიოში მიმდინარე მეოთხე ინდუსტრიული რევოლუციისთვის. ამ პროგრამაში გათვალისწინებული ადამიანის დამოკიდებულების შემცირება სახელმწიფოსა და ფინანსურ ინსტიტუტებზე ანუ ბანკებზე. მოსახლეობის აბსოლუტური უმრავლესობა, 80-% ზე მეტი დამოკიდებულია საჯარო და საფინანსო ინსტიტუტების საქმიანობაზე.

ჩვენ არ გვაქვს არც მესამე და არც რომელიღაცა ძალობის პრეტენზია. ჩვენი ამბიციაა, რომ შევქმნათ ფრაქცია პარლამენტში და ამ ფრაქციის მეშვეობით განვახორციელოთ ის პროგრამა, რომელიც გვაქვს. ჩვენ ჩვენს პროგრამას 6 თვიდან -14 თვემდე განვახორციელებთ, რა თქმა უნდა, შესაბამისი საკანონმდებლო ბაზის მომზადებით პარლამენტში. ჩვენი ერთ-ერთი მნიშვნელოვანი ამოცანა იქნება ამ ყველაფრისთვის საკანონმებლო ბაზა მოვამზადოთ“, - განაცხადა ლევან ბოძაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით