ლევან ბოძაშვილი - მოსახლეობას ყელში აქვს ამოსული აქამდე არსებული ყველა პოლიტიკური ძალა, ისინი პოლიტიკურ დინოზავრებს წარმოადგენენ

უშიშროების საბჭოს მდივნის ყოფილი მოადგილის ლევან ბოძაშვილის განცხადებით, მოსახლეობას აქამდე არსებული ყველა პოლიტიკური პარტია „ყელში აქვს ამოსული“.

როგორც მან „პალიტრანიუსის“ გადაცემა „დღის ნიუსრუმში“ სტუმრობისას განაცხადა, არსებული პოლიტიკური პარტიები დღეს „პრაქტიკულად წარმოადგენენ პოლიტიკურ დინოზავრებს“.

„ამ ეტაპზე მიმაჩნია, რომ დიდი ალბათობაა კოალიციური მთავრობის შექმნის, რამდენად კარგია მომავალში კოალიციური მთავრობა, ამას ჩვენ პრაქტიკაში თუ არ დავინახავთ, ისე ვერ განვსაზღვრავთ. რა ძალებს შორის მოხდება, ეს დამოკიდებულია იმაზე, შეძლებს თუ არა ამჟამინდელი მმართველი პარტია 40 - პროცენტიანი ჩამკეტის, ბარიერის გადალახვას.

იმას, რასაც მმართველი გუნდი ამბობს, 60 პროცენტიანი მხარდაჭერის უზრუნველყოფა 8 -წლიანი მმართველობის თავზე, ჩემი აზრით, არარეალური და გადაჭარბებულია. „ქართულ ოცნებას“ ძალიან ბევრი შეცდომა აქვს დაშვებული. ხელისუფლებაში 8- წლიანი ყოფნის შემდეგ უკვე არსებითი მნიშვნელობა აღარ აქვს რა ახალი სახე გეყოლება ასეთ დროს, მოსახლეობას უკვე ნდობა აღარ აქვს, სიახლე აღარ არის საშველი და მაშველი რგოლი პარტიისთვის 8 წლის თავზე. აბსოლუტური დარწმუნებით შემიძლია, გითხრათ, რომ არამარტო სიახლე სურს მოსახლეობას, არამედ ყელში აქვს ამოსული აქამდე არსებული ყველა პოლიტიკური ძალა. ისინი პრაქტიკულად დღეს წარმოადგენენ პოლიტიკურ დინოზავრებს. 8 წლის განმავლობაში ვერ შეიქმნა ვერცერთი სახელმწიფოებრივი გეგმა. მე არ მგონია, რომ „ქართულმა ოცნებამ“ გარისკოს საკუთარი თავი და შეეცადოს არჩევნების გაყალბებას“, - განაცხადა ბოძაშვილმა.

მისივე თქმით, საქართველოში ხელისუფლება უნდა გადანაწილდეს აუცილებლად ორი მნიშვნელოვანი ფაქტორის გამო.

„პირველი, ყველა გონივრულობას სცდება 8 წლის განმავლობაში ორი ვადით უმრავლესობაში დარჩენა. არ არსებობს ასეთი ფენომენი ჩვენს პარტნიორ ქვეყნებშიც კი და მეორე, ხალხსაც აღარ სურს ერთი და იგივე სახეების 8 წლის განმავლობაში ყურება. ქართული საზოგადოება დგას იმ არჩევანის წინაშე, რომ გააგრძელოს იმ წრეზე ტრიალი, რომელიც იყო აქამდე ან ახალ ძალებს, ახალ პროგრამებს კარგად ჩახედოს. გარდა ამისა, ყველაფერი წყალში ჩაეყრება „ოცნებას“ თუ ვირუსი გაექცევა. ის დახმარებებიც, 200, 300 და 600 ლარი რომელიც ვალით გასცა და დაარიგა“, - განაცხადა ლევან ბოძაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო