ინდოეთში, ბოლო 24 საათში, კორონავირუსის 95 735 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას ქვეყნის ჯანდაცვის სამინისტრო ავრცელებს.

მათივე ინფორმაციით, ინდოეთში კოვიდ 19-ს კიდევ 1 172 ადამიანის სიცოცხლე ემსხვერპლა.

ოფიციალური სტატისტიკის თანახმად, ქვეყანაში, საერთო ჯამში, კორონავირუსის 4.4 მილიონი შემთხვევაა დადასტურებული, დაღუპულთა რაოდენობა კი 75 000-ს აჭარბებს.

ცნობისთვის, კოვიდინფიცირებულების რაოდენობით ინდოეთი მეორე ადგილზეა მსოფლიოში აშშ-ის შემდეგ.