კანადის პრემიერ-მინისტრი ჯასტინ ტრუდო მოსახლეობას კორონავირუსის მეორე მასობრივი ტალღის შესახებ აფრთხილებს. ამ ინფორმაციას Reuters ავრცელებს.
როგორც ტრუდომ განაცხადა, ბოლო დროს მოსახლეობა შედარებით მოდუნდა და მათ რეკომენდაციების მაქსიმალური დაცვისკენ მოუწოდა.
„ჩვენ სიფხიზლე უნდა შევინარჩუნოთ, არავის სურს კიდევ ერთი კარანტინი და ეკონომიკის შეჩერება, რაც ძალიან ცუდ შედეგებს გამოიწვევს“, - განაცხადა ტრუდომ.
აღსანიშნავია, რომ კანადაში ბოლო 24 საათში კორონავირუსის 1 606 ახალი შემთხვევა დაფიქსირდა და ინფიცირებულთა რიცხვი 133 748-მდე გაიზარდა. ვირუსს ქვეყანაში 9 155 ადამიანი ემსხვერპლა.