აშშ-ის სახელმწიფო მდივნის მაიკ პომპეოს განცხადებით, არსებობს რეალური შანსი, რომ რუსი ოპოზიციონერი პოლიტიკოსის, ალექსეი ნავალნის მოწამვლის უკან რუსეთი იდგეს.
„როდესაც ადამიანები დისიდენტის მოწამვლის მცდელობას ხედავენ, ისინი ხვდებიან, რომ არსებობს რეალური შანსი, რომ ეს ნამდვილად რუსეთიდან მოდის,”- განაცხადა პომპეომ.
მისივე თქმით, აშშ-მა და ევროკავშირმა რუსეთს განუმარტეს, რომ პასუხისმგებელი პირების დასჯის მოლოდინი აქვთ.
„აშშ-მა, ევროკავშირთან ერთდ, რუსეთს ცხადად აცნობა ჩვენი მოლოდინის შესახებ იმასთან დაკავშირებით, რომ ყველა პასუხისმგებელი პირი დაისჯება. ჩვენც ყველაფერს გავაკეთებთ იმის გასარკვევად, თუ ვინ იყო პასუხისმგებელი“, - განაცხადა მაიკ პომპეომ.
მან არ დააკონკრეტა, რა რეაგირება ექნება ვაშინგტონს ნავალნის საქმესთან დაკავშირებით.
„არ მსურს პრეზიდენტის წინ წავიდე, მაგრამ მონაწილეობას მივიღებთ იმაში, რომ ასეთი შემთხვევების გამეორების რისკმა იკლოს“, - განაცხადა პომპეომ.