თენგიზ ცერცვაძე - მედიკამენტების ახალი პროტოკოლის დამტკიცებისთანავე „სოლიდარობის კვლევა“ ისევ დაიწყება

ინფექციური პათოლოგიის, შიდსის და კლინიკური იმუნოლოგიის ცენტრის გენერალური დირექტორის, თენგიზ ცერცვაძის განცხადებით, ჯანდაცვის მსოფლიო ორგანიზაციამ რამდენიმე ქვეყანა, მათ შორის, საქართველო იძულებული გახადა „სოლიდარობის კვლევა“ დროებით შეეჩერებინა.

როგორც „ინტერპრესნიუსთან“ საუბრისას თენგიზ ცერცვაძემ განაცხადა, “სოლიდარობის კვლევამ“ ჯანდაცვის მსოფლიო ორგანიზაციის გამო, მრავალჯერ განიცადა ცვლილება, ამ ეტაპზე კი ახალი პროტოკოლის დამუშავება მიმდინარეობს, ვინაიდან მედიკამენტების თავდაპირველმა სიამ ცვლილება განიცადა, რის გამოც „სოლიდარობის კვლევის“ დაწყება შეჩერდა.

როგორც თენგიზ ცერცვაძე აღნიშნავს, „სოლიდარობის კვლევა“ მედიკამენტების ახალი პროტოკოლის დამტკიცებისთანავე დაიწყება.

„სოლიდარობის კვლევა“ სერიოზული კვლევაა, სადაც ჯანდაცვის მსოფლიო ორგანიზაციამ უნდა გადაწყვიტოს, თუ რომელ მედიკამენტს მისცემს პირდაპირ რეკომენდაციას. თავიდან „სოლიდარობის კვლევაში“ 4 მედიკამენტი იყო - „რემდესევირი“, „პლაქველინი“ , „ლოპინავირ/რიტონავირის“ კომბინაცია და „ლოპინავირ/რიტონავირის“ კომბინაცია „ბეტა ინტერფერონთან“. ცალკეულმა კვლევებმა აჩვენა, რომ ამ ოთხი მედიკამენტიდან ზოგი არ არის ისეთი ეფექტური, როგორიც უნდა იყოს. შემდეგ კი გზადაგზა შეცვალეს გადაწყვეტილება და ჯერ „პლაქველინი“ ამოიღეს, შემდეგ „ლოპინავირი“, ახლა „რემდესივირი“ დარჩა და „ბეტა ინტერფერონი“, 1 კვირის წინ კი სრულიად ახალი მედიკამენტი დაემატა. ყველაფერმა ამან, „სოლიდარობის კვლევის“ შეჩერება გამოიწვია. თავიდან თუ 4 წამალი იყო, ახლა 3 მედიკამენტია, რომლის პროტოკოლიც განსხვავებულია. ამიტომ, თვითონ ჯანდაცვის მსოფლიო ორგანიზაციამ ამ ცვლილებების გამო, იძულებული გაგვხადა ჩვენც და მთელი მსოფლიო, შეგვეყოვნებინა „სოლიდარობის კვლევა“. ვხედავთ, რომ ვითარება შეიცვალა, სამი ახალი მედიკამენტია, შესაბამისად მიმდინარეობს ახალი პროტოკოლების დამუშავება და დამტკიცება, როგორც კი ეს ყველაფერი დამტკიცდება, მაშინვე დავიწყებთ „სოლიდარობის კვლევას “, - განაცხადა ცერცვაძემ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს