ხათუნა გოგორიშვილის განცხადებით, ოზურგეთში „ქართული ოცნების“ ჩინოვნიკები სახელმწიფო ქონებას იტაცებენ

„ევროპული საქართველოს“ წევრის, გურიის მაჟორიტარობის კანდიდატის, ხათუნა გოგორიშვილის განცხადებით, ოზურგეთის მუნიციპალიტეტში „ქართული ოცნების“ ჩინოვნიკები სახელმწიფო ქონებას იტაცებენ“.

გოგორიშვილმა დღეს გამართულ ბრიფინგზე სახელმწიფო მიწების გასხვისების ფაქტებზე ისაუბრა და აღნიშნა, რომ სახელმწიფო ქონების იაფად გასხვისების გამო, ოზურგეთის მუნიციპალიტეტის ბიუჯეტმა 10 მილიონ ლარზე მეტი შემოსავალი დაკარგა.

„ორი წლის განმავლობაში, ოზურგეთის მუნიციპალიტეტში საჯარო აუქციონებსა და ელექტრონულ ტენდერებზე, ზღვისპირა ზოლში გასხვისდა 107 200 კვადრატული მეტრი მიწა. ამის შედეგად ბიუჯეტმა მიიღო 357 600 ლარი, რაც ნიშნავს, რომ კვადრატული მეტრის საშუალო ფასი 3,34 ლარია. ამ ტენდერების უმეტესობაში თითო ადამიანი მონაწილეობდა, იყო ერთი პრეტენდენტი და ხშირად ეს პრეტენდენტები ერთი და იგივე პირები არიან. ასეთი სულ 35 შემთხვევა იყო. როდესაც იმავე ტერიტორიაზე კერძო მესაკუთრეები ასხვისებენ მიწის ნაკვეთებს, კვადრატული მეტრის ფასი 120 ლარიდან 160 ლარამდე მერყეობს. ერთ-ერთ მაგალითს მოვიყვან, „ბლექ სი არენას“ მიმდებარე ტერიტორიაზე 14,900 კვადრატული მეტრი მიწის გასხვისებისას კვადრატული მეტრი მიწის ფასი იყო 30 თეთრი. აუქციონში ერთადერთი მონაწილე გახლდათ ოზურგეთის ქონების მართვის სამსახურის უფროსი მერაბ წივწივაძე და შესაბამისად, მან შეიძინა 14,900 კვადრატული მეტრი 3911 ლარად. ის, რომ „ბლექ სი არენას“ მიმდებარე ტერიტორიაზე ბუზიც ვერ გადაიფრენს ბიძინა ივანიშვილის თანხმობის გარეშე, ამაზე საუბარი აღარ არის საჭირო. ოზურგეთის მუნიციპალიტეტი მოქცეულიყო შედარებით წესიერად და კვადრატული მიწის ფასი თუნდაც 100 ლარი ყოფილიყო, მაშინ, ოზურგეთის ბიუჯეტში შევიდოდა 10 722 200 ლარი. განსხვავება, რაც ბიუჯეტში შევიდა და რაც შეიძლება, რომ შესულიყო არის 10 364 600 ლარი“, - განაცხადა ხათუნა გოგორიშვილმა.

მისივე თქმით, ოზურგეთის მუნიციპალიტეტში ჩინოვნიკები საკუთარი კეთილდღეობის გაუმჯობესებით არიან დაკავებული.

„ოზურგეთში „ქართული ოცნების“ ჩინოვნიკები დაკავებული არიან იმით, რომ მოასწრონ საკუთარი კეთილდღეობის გაუმჯობესება და ქონების დაგროვება, ყველაფერ ამაზე არის პასუხისმგებელი „ქართული ოცნების“ დღევანდელი თავმჯდომარე, ყოფილი მერი მერაბ ჭანუკვაძე. ის და მისი გარშემომყოფები სარგებლობდნენ და იტაცებდნენ სახელმწიფო ქონებას“, - განაცხადა ხათუნა გოგორიშვილმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე