პრემიერი - რაგბის ნაკრებს უნიკალური შესაძლებლობა გაუჩნდა, 8 ერის ყველაზე ცნობილ ჩემპიონატში მიიღოს მონაწილეობა

რაგბის ეროვნულ ნაკრებს უნიკალური შესაძლებლობა გაუჩნდა 8 ერის ყველაზე ცნობილ ჩემპიონატში მიიღოს მონაწილეობა. ეს არის ყველაზე მაღალი დონის შეჯიბრი, სადაც საქართველოს ნაკრებს შესაძლებლობა ექნება ყველას დაუმტკიცოს, რომ რაგბი მართლა ჩვენი თამაშია,- ამის შესახებ საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე განაცხადა.

საკითხზე საუბრისას მთავრობის მეთაურმა ქართული რაგბის განვითარებაში ბიძინა ივანიშვილის და ფონდი „ქართუს“ წვლილს გაუსვა ხაზი.

„რამდენიმე დღის წინ შევხვდით მორაგბეებს და პირველი, რაც გავაკეთეთ იყო, რომ მიმდინარე ჩემპიონატი არ შეფერხებულიყო და ნორმალურად დაეწყოთ შეჯიბრი. უნდა აღვნიშნოთ ბიძინა ივანიშვილის და „ქართუს“ პირდაპირი წვლილი. წლების განმავლობაში რომ არ ყოფილიყო რაგბის ეს მხარდაჭერა, ასეთ შედეგს ვერ მივაღწევდით. ის ინვესტიციები, რომლებიც ფაქტობრივად მოშლილ, არარსებულ ინფრასტრუქტურაში იყო ჩადებული, დაახლოებით 200 მილიონი, ამ შედეგებს ვიმკით ჩვენ დღეს და შესაძლებლობა გვექნება, რომ ქართულმა რაგბმა მსოფლიოს დაუმტკიცოს, რომ მართლაც რაგბი ჩვენი თამაშია. საქართველოს მთავრობა, რაგბის კავშირი ყველაფერს აკეთებს, რომ ეს შესაძლებლობა ქართველ მორაგბეებს მივცეთ“,-აღნიშნა გიორგი გახარიამ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა