„ლელოს“ წევრების განცხადებით, Unicef-ის ანგარიშს მმართველი გუნდი ყურადღებას არც კი აქცევს, ქვეყანაში კი სიღატაკის საგანგაშო მაჩვენებელია

„ლელოს" ერთ-ერთმა ლიდერმა მედეა მეტრეველმა და გლდანის მაჟორიტარი დეპუტატობის კანდიდატმა გიგლა მიქაუტაძემ, ისნის მაჟორიტარი დეპუტატობის კანდიდატმა ლანა გალდავამ და სამგორის მაჟორიტარი დეპუტატობის კანდიდატმა ფიქრია ჩიხრაძემ UNICEF- ის ანგარიში განიხილეს. „ლელოს“ წევრების განცხადებით, Unicef-ის ანგარიშს მმართველი გუნდი ყურადღებას არც კი აქცევს, ქვეყანაში კი სიღატაკის საგანგაშო მაჩვენებელია.

მათივე ცნობით, სოციალურად მოწყვლად და დაუცველ ოჯახებთან მიმართებაში ხელისუფლების ნაბიჯები არაეფექტური აღმოჩნდა, რაც კიდევ ერთხელ დაადასტურა Unicef-ის ანგარიშმა - საქართველოში მოსახლეობის 22%, ხოლო ბავშვების 28% პროცენტი სიღარიბის ზღვარზეა.

სამგორის მაჟორიტარი დეპუტატობის კანდიდატის, ფიქრია ჩიხრაძის განცხადებით, უმძიმესი სოციალური მდგომარეობის გათვალისწინებით, „ლელო“ სრულ პასუხისმგებლობას აკისრებს მოქმედ ხელისუფლებას, პრემიერ-მინისტრს გიორგი გახარიას და მმართველი პარტიის თავმჯდომარეს ბიძინა ივანიშვილს, რომელმაც ჯერ კიდევ 2018 წელს სრული ნდობა გამოუცხადა Unicef-ის კვლევას ბავშვთა სიღარიბის თაობაზე და იმდროინდელი პრემიერ-მინისტრი თანამდებობიდან გადააყენა.

„წინა წელს Unicef-ის მიერ გამოქვეყნებულმა კვლევამ სერიოზული პოლიტიკური ძვრები გამოიწვია მმართველ ჯგუფში და ამას მაშინდელი პრემიერ-მინისტრის პოსტი შეეწირა. დღეს არსებული შედეგები არაფრით არ არის უკეთესი, თუ უარესი არა წინა მონაცემებზე. მმართველმა გუნდმა ისე „გაატარა“ ეს კვლევა, რომ საუბარიც არ ისურვეს, მედიაში არის საუბარი ამ სიის 5 წარმომადგენელზე და შეიძლება პრემიერის კანდიდატად ისევ გიორგი გახარია ვიხილოთ, რომელსაც არ აუღია პასუხისმგებლობა არც Unicef-ის მიერ ჩატარებულ კვლევაზე და არც 20 ივნისის უმძიმეს ღამეზე, რომელიც მის ბიოგრაფიაშია ჩაწერილი. ამ დროს კი აქტიურად იყენებს კრიმინალურ ძალებს, რომ ოპოზიციურ პარტიებზე და მათ მხარდამჭერებზე ზეწოლა მოახდინონ, ეს არის მიუღებელი“, - აცხადებს ფიქრია ჩიხრაძე.

მედეა მეტრეველის განცხადებით, ივანიშვილის პარტიამ მმართველობის პერიოდში მოსახლეობა გააღატაკა და ბავშვები შიმშილის პირას მიიყვანა.

„Unicef-ის მიერ გამოქვეყნებული ანგარიში ბავშვთა სიღარიბის თაობაზე არის ბიძინა ივანიშვილის მმართველობის ვერდიქტი. მილიარდერი ივანიშვილის პარტიამ, რვაწლიანი მმართველობის განმავლობაში, გააღატაკა მოსახლეობა და შიმშილის პირას მიიყვანა ბავშვები. გაეროს ბავშვთა ფონდის კვლევა და შედეგები არის „ქართული ოცნების“ 8- წლიანი მმართველობის განაჩენი. საბოლოო განაჩენს კი საქართველოს მოსახლეობა ოქტომბრის ბოლოს, არჩევნების გზით გამოუტანს ხელისუფლებას. მდგომარეობა ნამდვილად მძიმეა, საქართველოს მოსახლეობის 22% სიღარიბეში ცხოვრობს, ბავშვების 28% ასევე უკიდურეს მდგომარეობაშია. ქვეყანაში არის შიმშილი, ამ შედეგებზე პასუხისმგებლობა უნდა აიღოს ხელისუფლებამ და ქვეყანას მისცეს განვითარების საშუალება. მათ უნდა დატოვონ დაკავებული სტრუქტურები, დემოკრატიული გზით ხალხს ჩააბარონ მმართველობა და აგონ პასუხი იმ მდგომარეობაზე, რომელშიც ხალხი ჩააგდეს 8 წლის განმავლობაში. რადგან მოსახლეობის გაღატაკება 2012 წლიდან შეგნებულად მიმდინარეობს,“-განაცხადა მედეა მეტრეველმა.

„ლელოს“ ისნის მაჟორიტარი დეპუტატობის კანდიდატის, ლანა გალდავას თქმით, Unicef-ის კვლევის შედეგების გამო, სრული პასუხისმგებლობა ეკისრება მმართველ გუნდს.

„ხელისუფლება გვეუბნებოდა, რომ ამ ქვეყანაში ტერიტორიული მთლიანობის, სუვერენიტეტის და ყველაფრის გარანტი იყო ბიძინა ივანიშვილი, დღეს მივმართავ მას, რომ დიახ, ბიძინა ივანიშვილია ყოველი მეხუთე ბავშვის შიმშილის მიზეზი. დროა, ის და მისი წარუმატებელი გუნდი მოშორდეს ხელისუფლებას, თუ ამას არ გაიზიარებენ, ოქტომბერში დემოკრატიულად შეიცვლებიან და მათ ჩაანაცვლებს „ლელო“, - განაცხადა ლანა გალდავამ.

აღნიშნულ ინფორმაციას „ლელოს“ პრესსამსახური ავრცელებს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს