დავით ჭიჭინაძე - 200-ლარიანი დახმარებების პიკზე, „ოცნების“ რეიტინგი 37-38%-ს არ აღემატება, „ევროპულ საქართველოს“ კი თბილისის რიგ უბნებში პულსი არ ესინჯება

200-ლარიანი დახმარებების დარიგების პიკზე „ქართული ოცნების“ რეიტინგი 37-38 %-ს არ აღემატება, მანამდე კი, მხოლოდ 22% იყო, - ამის შესახებ, პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა.

დავით ჭიჭინაძე სრულიად განსხვავებული კვლევების გამოქვეყნებას აანონსებს.

„ჩვენც ვატარებთ კვლევებს, სადაც სულ სხვა ციფრებია. 200-ლარიანი დახმარებების დარიგების პიკზე, „ქართული ოცნების“ რეიტინგი 37-38%-ს არ აღემატება, მანამდე კი, მხოლოდ 22% იყო. „ევროპულ საქართველოს“ კი, თბილისის რიგ უბნებში, პულსი საერთოდ არ ესინჯება.

„ქართული ოცნების“ ეს რეიტინგიც, კოვიდთან ბრძოლის კამპანიის ფონზეა, როდესაც ხალხს იმას უყვებიან, როგორ დაამარცხეს ვირუსი და პარალელურად 200-300 ლარს ურიცხავენ.

რეალურად კი, „ქართული ოცნების“ ხელისუფლება აქაც არღვევს კანონს, რადგან ადმინისტრაციულ რესურსს იყენებენ და უსინდისოდ იბრალებენ, რომ ეს „ქართული ოცნების“ ფულია.

არადა ეს დარიგებული ფული არის ვალი, რომელიც ქვეყანას დაედო და რომელიც ისევ ჩვენი გადასახდელია და არანაირი კავშირი არ აქვს პარტია „ქართული ოცნების“ ვითომ „გულუხვობასთან“

ეს დარიგებული ფული, არ არის გამომუშავებული, ეკონომიკის მიერ გენერირებული, რაც მხოლოდ ინფლაციას გამოიწვევს და მყიდველობითი უნარის უფრო დაკარგვას და ეს ისედაც შემოსავალდაკარგული ადამიანების და პენსიონერების ხარჯზე.

და უმთავრესი! თუ კოვიდის მართლა ასეთი აფეთქებაა, როგორც ამბობენ, როდის უნდა შეავსონ ის ფონდი, რომელიც სწორედ კოვიდთან საბრძოლველად შეიქმნა და რომელიც ასე გამოშიგნეს და გაანულეს?!“ -აცხადებს დავით ჭიჭინაძე.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე