„სამოქალაქო პლატფორმა 20/20” მოუწოდებს ცესკოს, დროულად მიანიჭოს ნომერი პოლიტიკურ სუბიექტებს

„სამოქალაქო პლატფორმა 20/20” მოუწოდებს ცენტრალურ საარჩევნო კომისიას, დროულად მიანიჭოს ნომერი პოლიტიკურ სუბიექტებს, რომლებმაც უკვე გაიარეს რეგისტრაცია. ამის შესახებ „ინტერპრესნიუსს“ „სამოქალაქო პლატფორმა 20/20-დან“ აცნობეს.

როგორც „სამოქალაქო პლატფორმა 20/20”-ის აღმასრულებელმა დირექტორმა თენგო თევზაძემ განაცხადა, პოლიტიკური პარტიებისთვის საარჩევნო ნომრის დროულად მინიჭება მნიშვნელოვანია, რათა პოლიტიკური სუბიექტები თანაბარ მდგომარეობაში იყვნენ და მათ შესაძლებლობა მიეცეთ ჩაატარონ სრულყოფილი საარჩევნო კამპანია.

„ცენტრალური საარჩევნო კომისია ვალდებულია, წინასაარჩევნო პერიოდში შექმნას ისეთი პირობები, რითაც პოლიტიკურ პარტიებს მისცემს ყველა შესაძლებლობას კამპანია ჩაატარონ სრულყოფილად. პოლიტიკურ პარტიებს უნდა მიეცეს შესაძლებლობა საკუთარ ამომრჩეველს და დაინტერესებულ პირებს მიაწოდონ ინფორმაცია, მათ შორის, საარჩევნო სუბიექტის რიგითი ნომრის შესახებ“,- განმარტა თევზაძემ.

მისივე თქმით, ცენტრალური საარჩევნო კომისია ვალდებულია დაიცვას ყველა პოლიტიკური პარტიის უფლებები და მისცეს გარანტიები, რომ მათი მხრიდან ისინი თანაბარ მდგომარეობაში იქნებიან ჩაყენებული.

საარჩევნო სუბიექტის რიგითი ნომერი განისაზღვრება საარჩევნო კანონმდებლობით დადგენილი წესით. არჩევნების დღემდე არაუგვიანეს 30-ე დღისა საარჩევნო სუბიექტს უნდა განესაზღვროს რიგითი ნომერი.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს