6 თვეში ჯანდაცვის უწყებამ COVID 19-ის გავრცელების რისკების შემცირებისა და თავიდან აცილების ღონისძიებებზე 37 მლნ ლარზე მეტი დახარჯა

6 თვის განმავლობაში COVID – 19-ის მასიური გავრცელების რისკების შემცირებისა და თავიდან აცილების ღონისძიებებზე ჯანდაცვის სამინისტრომ 37 მილიონ ლარზე მეტი დახარჯა, - ამის შესახებ მიმდინარე წლის სახელმწიფო ბიუჯეტის შესრულების 6 თვის მიმოხილვაშია აღნიშნული.

უფრო კონკრეტულად, აღნიშნული თანხა შემდეგი მიმართულებით დაიხარჯა: შესყიდული და სხვადასხვა უწყებებში გადაცემულია ინდივიდუალური დამცავი საშუალებები, დეფიბრილატორები, სუნთქვის აპარატები, პაციენტის დაკვირვების მონიტორები, უკონტაქტო 14 ელექტრო თერმომეტრები, თხევადი სამედიცინო ჟანგბადები და სხვა. გარდა ამისა, გაწეულია ხარჯი საკარანტინო ზონების მოწყობისათვის. ასევე, განხორციელდა საკარანტინე სივრცეების სასტუმრო მომსახურება/სამედიცინო მეთვალყურეობა, საკარანტინე სივრცეების სამედიცინო პერსონალით და პირველადი სამედიცინო დანიშნულების საგნებით/მედიკამენტებით უზრუნველყოფა, საეჭვო და დადასტურებელი შემთხვევის მართვა და მათი სტაციონარული მკურნალობა.

ამასთან, დოკუმენტის თანახმად, ტურიზმის ეროვნულმა ადმინისტრაციამ განახორციელა ჯანდაცვის მსოფლიო ორგანიზაციის მიერ მაღალი რისკის ზონად ნომინირებული არეებიდან შემოსული საქართველოს 32 751 მოქალაქისთვის სავალდებულო კარანტინის ფარგლებში განთავსებასთან, ტრანსპორტირებასთან, კვებასთან, დასუფთავებასთან, უსაფრთხოებასა და საკარანტინო პერიოდში შესაბამისი პირობების შექმნასთან დაკავშირებული სხვადასხვა სახის ღონისძიებები, რაზეც 6 თვეში 38 მლნ ლარის დაიხარჯა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს