გეგმური სარეაბილიტაციო სამუშაოების გამო, „ენერგო-პრო ჯორჯიას” აბონენტების ნაწილს ელექტროენერგიის მიწოდება შეეზღუდება.

როგორც „ინტერპრესნიუსს“ კომპანიიდან აცნობეს, ქსელის გეგმური სარეაბილიტაციო სამუშაოების გამო, 11 სექტემბერს 06:00-დან 06:15 საათამდე და 09:00-დან 09:15 საათამდე ელექტროენერგიის მიწოდება შეეზღუდება აბონენტებს ქალაქ დუშეთში და დუშეთის, ყაზბეგის და მცხეთის რაიონის სოფლებში კობიაანი, მთა ვარცლა, კაიშაურები, ცხვარიჭამია, ფასანაური, ახატანი, სტეფანწმინდა, არშა, სიონი, გუდაური, ჭოპორტი, ტონჩა და მიმდებარე სოფლებში.

ამასთან, 11:00-დან 18:00 საათამდე ელექტროენერგიის მიწოდება შეეზღუდება აბონენტებს ყაზბეგის რაიონის სოფლებში - სნო, აჩხოტი, კარკუჩა, ჯუთა, გარბანი და მიმდებარე სოფლებში.

მათივე ინფორმაციით, სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.