არჩილ თალაკვაძე ევროპარლამენტისა და ევროპის საბჭოს საპარლამენტო ასამბლეის პრეზიდენტებს მიმართავს, მხარი დაუჭირონ საპარლამენტო არჩევნებში ევროპარლამენტის სადამკვირვებლო დელეგაციის მონაწილეობას

პარლამენტის თავმჯდომარე არჩილ თალაკვაძე ევროპარლამენტისა და ევროპის საბჭოს საპარლამენტო ასამბლეის პრეზიდენტებს მიმართავს, მხარი დაუჭირონ საპარლამენტო არჩევნებში ევროპარლამენტის სადამკვირვებლო დელეგაციის მონაწილეობას.

„მსურს, კიდევ ერთხელ გთხოვოთ საქართველოს 2020 წლის 31 ოქტომბრის საპარლამენტო არჩევნებში ევროპარლამენტის სადამკვირვებლო დელეგაციის მონაწილეობის მხარდაჭერა. დაგეგმილ არჩევნებში ევროპარლამენტის სადამკვირვებლო დელეგაციის ჩართულობა იქნებოდა საქართველოსადმი მტკიცე პოლიტიკური მხარდაჭერა, ევროკავშირ-საქართველოს შორის არსებული შესანიშნავი პარტნიორული ურთიერთობების ხაზგასმა და ევროპული ინტეგრაციის და დემოკრატიული კონსოლიდაციის გზაზე საქართველოს წახალისება“,- ნათქვამია ევროპარლამენტის პრეზიდენტისა და ევროპის საბჭოს საპარლამენტო ასამბლეის პრეზიდენტისადმი გაგზავნილ წერილში.

არჩილ თალაკვაძე დევიდ სასოლისა და რიკ დაემსისადმი გაზავნილ მიმართვაში საქართველოს მიერ კორონავირუსთან ბრძოლაში მიღწეულ წარმატებაზე ამახვილებს ყურადღებას და ხაზს უსვამს საპარლამენტო არჩევნებში საერთაშორისო დამკვირვებლების მიერ მონიტორინგის განხორციელების მნიშვნელობას.

„მსოფლიოსთან ერთად, საქართველო მაქსიმუმს აკეთებს რათა გაუმკლავდეს კოვიდ-19 ვირუსით გამოწვეულ პანდემიას. მთავრობის, ჯანდაცვის სფეროს თანამშრომლების და წინა ხაზზე მყოფი სხვა პროფესიონალების ძალისხმევა, აგრეთვე, მიზანმიმართული და კოორდინირებული შემზღუდავი ღონისძიებები მიმდინარე პანდემიის წინააღმდეგ ეფექტური პასუხი იყო კორონავირუსის გავრცელების წინააღმდეგ - საქართველომ შეაკავა ვირუსის პირველი ტალღა და მართავს სიტუაციას.

საზოგადოებრივი ჯანდაცვის წარმომადგენლებისა და საარჩევნო ადმინისტრაციისთვის საქართველოს საარჩევნო კოდექსში გაიწერა სპეციალური პრევენციული მექანიზმები იმ მიზნით, რომ საერთაშორისო დამკვირვებლებმა შეძლონ საარჩევნო მონიტორინგის უსაფრთხოდ განხორციელება.

აღნიშნულის გათვალისწინებით, მსურს, კიდევ ერთხელ გთხოვოთ საქართველოს 2020 წლის 31 ოქტომბრის საპარლამენტო არჩევნებში ევროპარლამენტის სადამკვირვებლო დელეგაციის მონაწილეობის მხარდაჭერა. დაგეგმილ არჩევნებში ევროპარლამენტის სადამკვირვებლო დელეგაციის ჩართულობა იქნებოდა საქართველოსადმი მტკიცე პოლიტიკური მხარდაჭერა, ევროკავშირ-საქართველოს შორის არსებული შესანიშნავი პარტნიორული ურთიერთობების ხაზგასმა და ევროპული ინტეგრაციის და დემოკრატიული კონსოლიდაციის გზაზე საქართველოს წახალისება“,- ნათქვამია არჩილ თალაკვაძის მიმართვაში.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს