ბეირუთის პორტში, სადაც დაახლოებით ერთი თვის წინ აფეთქება მოხდა, ძლიერი ხანძარია.
ლიბანის არმიის განცხადებით, ხანძარი ნავთობისა და საბურავების საწყობში გაჩნდა.
მედიის ინფორმაციით, ცეცხლის ჩაქრობის პროცესში არმიის ვერტმფრენები მონაწილეობენ.
ხანძრის მიზეზი ჯერჯერობით უცნობია.
შეგახსენებთ, 4 აგვისტოს ლიბანის დედაქალაქ ბეირუთის პორტში მომხდარ აფეთქებას 191 ადამიანის სიცოცხლე ემსხვერპლა.