მე საჯაროდ ვურჩიე ბიძინა ივანიშვილს, რომ თუ მას პოლიტიკაში გარკვეული გავლენის შენარჩუნება სურს შემდეგ წლებში, დროულად უნდა ჩამოშორდეს "ქართულ ოცნებას" და მგონი ყურად იღო და ნელ - ნელა დისტანცირებას აკეთებს „ოცნებისგან", - ამის შესახებ „ლელოს" წევრმა ლევან კობერიძემ ჟურნალისტებს განუცხადა.

მისი თქმით, ვერანაირი სიის განახლება "ქართულ ოცნებას" ვერ უშველის, რადგან ხალხი კარგად ხედავს რა ხდება "პოლიტიკურ ველზე".

„საზოგადოებაში ნეგატიური დამოკიდებულება არის მთლიანად "ქართულ ოცნებასთან" მიმართებით და მათი რეიტინგი არის დაღმავალი. მე მაინც იმედი მაქვს, რომ მიუხედავად კორონავირუსის ფონისა, არჩევნები აქტიურობით იქნება გამორჩეული, "ლელო" იქნება ის ახალი ძალა, ვისაც ელოდება ამომრჩეველი, რომლის გარეშეც მთავრობის ფორმირება იქნება შეუძლებელი, "ოცნება" ვერანაირად ვერ დააკომპლექტებს მთავრობას, ეს ნამდვილად შემიძლია ვთქვა დარწმუნებით,"- განაცხადა კობერიძემ.